Una furtiva lagrima

Una furtiva lagrima (euskaraz: «isileko malko bat») Maitasunaren elixirra operaren erromantza ospetsua da. Egileak Gaetano Donizetti (musika) eta Felice Romani (libreto) dira. Operako ariarik ospetsuena da, eta goi mailako tenore urteetan zehar interpretatu dute, Carlo Bergonzi, Roberto Alagna, Enrico Caruso, Jussi Björling, Beniamino Gigli, Alfredo Sadel, Tito Schipa, Mario Lanza, Alfredo Kraus, Nicolai Gedda, Luciano Pavarotti, Plácido Domingo, José Carreras edota Andrea Bocelli maisuek bezala.

Una furtiva lagrima
Jatorria
Ezaugarriak
Genero artistikoa	opera
Tonoa	B-flat minor (en)
Deskribapena
Honen parte da	Maitasunaren elixirra
Bestelako lanak
Musikagilea	Gaetano Donizetti
Fikzioa
ikusi Nemorino (en)

"Una furtiva lagrima" Enrico Caruso 1911n Victor Talking Machine Companyrako grabatua

Arazoak fitxategi hau entzuteko? Ikus multimedia laguntza.

Una furtiva lagrima bigarren ekitaldiko zortzigarren eszenan abesten dute. Nemorino xaloak ustezko maitasun-elixirra erosi dio berritsu bati, Dulcamara doktoreari, irentsiz gero Adina lurjabe eder eta aberatsaren bihotza konkistatu ahal izango zuelakoan, baina amarruak ez du eraginik, antza, gainera, ustezko elixirraren ordez Bordeleko ardoa saldu ziolako eta Adina, aitzitik, beste ezkongai batekin, Belcore sarjentuarekin, duen konpromisoa iragartzen duelako. Etsita eta ustezko elixirraren beste dosi bat eskuratzeko dirua lortzearren, Belcore aurkariaren errejimenduan soldadu gisa jokatzen du maiteminduak. Hiriko neskek Nemorinoren osaba bat hil dela jakiten dute, dirutza handia utziz, eta, beraz, denak inguratzen eta jostatzen hasten dira, eta nekazari xaloak elixirraren efektu gisa interpretatzen du hori.

Hitzak

Jatorrizko libretoa (italieraz)

Euskarazko itzulpena

Una furtiva lagrima negli occhi suoi spuntò: Quelle festose giovani invidiar sembrò. Che più cercando io vò? Che più cercando io vò? M'ama! Sì, m'ama, lo vedo. Lo vedo. Un solo istante i palpiti del suo bel cor sentir! I miei sospir, confondere per poco a' suoi sospir! I palpiti, i palpiti sentir, confondere i miei coi suoi sospir... Cielo! Si può morir! Di più non chiedo, non chiedo. Ah, cielo! Si può, Si può morir Di più non chiedo, non chiedo. Si può morir, Si può morir d'amor.

Isileko malko bat begietara azaldu zion: Inbidia ematen zien neska gazte hauei. Zer gehiago nahi dut? Zer gehiago nahi dut? Maite nau, bai, maite nau, ikusten dut, ikusten dut! Une batez bere bihotz, ederraren taupadak sentitu! Nire hasperenak nahastu, ia bere hasperenarekin. Haren bihozkadak, haren bihozkadak sentitu, gure hasperena nahastea... Ai! Hil egin daiteke! Ez dut gehiago eskatzen, ez dut eskatzen. Ai ene! Bai, hil naiteke! Ez dut gehiago eskatzen, ez dut eskatzen. Hil daiteke! Maitasunez hil daiteke!

Kanpo estekak

• Datuak: Q2060389

Artikulu hau musikari buruzko zirriborroa da. Wikipedia lagun dezakezu edukia osatuz.