Tramana ur gazitan bizi den kartilagozko arrain bat da.
Izena aldatu
Myliobatis aquila da bere izen zientifikoa. Aquila hitzak, latinez, arrano esan nahi du, hainbat hizkuntzatan "itsasoko arranoa" deitzen zaio.
Deskribapena aldatu
Gorputzaren gainaldea marroia edo beltza izaten du, sabelaldea berriz, zuria. Hegalek triangelu itxura dute.
Mutur borobildua du, ahate baten moko itxurakoa eta bi begi alboetan. Buztan luzea du, gorputzaren bikoitza batzuetan. Buztan hau, pozoitsua da.
Aurkitu den ale handienak, 183cm neurtzen zituen eta 14,5kg pisatzen zituen.
Bizitokia aldatu
Itsas zabalean bizi da. Normalean, 50m inguruko sakoneran bizi den arren, 800 metrotaraino sar daiteke.
Elikadura aldatu
Itsas hondoan bizi diren animalia ornogabeez elikatzen da gehienbat. Hau da, karramarroez, otarrainxkez, baita txirlez, ostrez eta Arrain txikiez ere.
Ugalketa aldatu
12 tramanako taldeetan elkartzen dira ugalketa garaian. Tramanak obobibiparoak dira, hau da, arrautzak amaren barruan garatzen dira, 6 hilabetetako haurdunaldia izaten dute. Maiatza eta irailaren artean jaiotzen dira.
Gastronomia aldatu
Toki ugaritan, tramana jaki ohikoa da. Hegalak jaten dira, haragia bertan baitago. Hala ere, Euskal Herrian, ez da jaten.