Martin arrantzale
Martin arrantzalea (Alcedo atthis) hegazti txiki bat da. Europan, Iparraldeko Afrikan eta Asia hegoaldean bizi da.
Nolakoa da? aldatu
17 zentimetroko luzera du eta 31 gramo pisatzen ditu. Burua, bizkarra eta buztana urdinak dira. Azpialdea berriz laranja bizia da. Buruan eta eztarrian kolore zuriko lerro batzuk ditu.
Zer jaten du? aldatu
Arrain txikiak jaten ditu. Ibaiaren ertzeko zuhaitzetan egoten da eta arraina ikustean eraso azkarra egiten du, arrakasta handikoa. Tarteka intsektuak eta krustazeo txikiak ere harrapatzen ditu.
Non aurki daiteke? aldatu
Europa, Afrika eta Asiako ibai eta aintziretan bizi da. Ez du migratzen, planetaren iparraldeko espezieak izan ezik; hauek hegoalderantz jaitsi ohi dira negu aldean.
Nola ugaltzen da? aldatu
Uraren mailatik altuera gutxira egiten ditu habiak. Hondarretan zulo sakon bat egiten du bertan arrautzak jartzeko. 4 eta 8 arrautza bitartean jartzen ditu, urtean bi aldiz. Arrautzak txikiak dira. 20 egun inguru pasatakoan txitoak jaiotzen dira.
Izena hainbat hizkuntzatan aldatu
Entzun!
- Gaztelaniaz: Martin pescador
- Ingelesez: Common kingfisher
- Frantsesez: Martin-pêcheur d'Europe