Eon

Eona Lurraren historia geologikoa banatzeko erabiltzen diren aldi nagusietako bakoitza da.^[1] Lau eon bereizten dira: Hadearra, Arkearra, Proterozoikoa eta Fanerozoikoa.^[2] Lehen hirurak Kanbriarraurrea supereonaren barruan sartuta daude.

Onartutako eonak

Nazioarteko Estratigrafia Batzordeak ondorengo lau eon hauek ditu onartuta:

Hadearra

Hadearrak Lurraren sorreratik (duela 4600 milioi urte) Arkearraren hasieraraino iraun zuen.

Arkearra

Arkearra duela 4000 milioi urte hasi zen, eta Proterozoikoaren hasieraraino iraun zuen. Lehenengo bizi aztarnak garai hartakoak dira; zehazki, duela 3800 milioi urtekoak.

Proterozoikoa

Proterozoikoa duela 2500 milioi urte hasi zen, eta duela 542 milioi urte arte iraun zuen. Aldi hartan, bizia garatu zen, eta lehen izaki zelulaniztunak sortu ziren.

Fanerozoikoa

Fanerozoikoa da bizidun makroskopiko gehien bizi izan diren garaia: algak, onddoak, animaliak eta landareak. Fanerozoikoa duela 543 milioi urte hasi zen, eta gaur egun arte irauten du.

Erreferentziak

↑ «eon» Euskaltzaindiaren Hiztegia (Noiz kontsultatua: 2019-06-14).
↑ «eon» Zientzia eta Teknologiaren Hiztegi Entziklopedikoa (Elhuyar) (Noiz kontsultatua: 2019-06-14).

[1] «eon» Euskaltzaindiaren Hiztegia (Noiz kontsultatua: 2019-06-14).

[ElhuyarZThiztegia-2] «eon» Zientzia eta Teknologiaren Hiztegi Entziklopedikoa (Elhuyar) (Noiz kontsultatua: 2019-06-14).

[1]

[2]