Belaki
.jpg)
Belakiak itsasoan bizi diren hezurrik gabeko animaliak dira. 9000 espezie existitzen dira, horietatik 150 ur gezan bizi dira. Lehen, Landare erreinuan sailkatuta zeuden baina 1765an Animalia erreinuan kokatu zituzten.
Nolakoak dira? aldatu
Belakien gorputzaren forma zaku baten antzekoa da. Goi aldean zabalgune handi bat dute, hortik ura atera dadin. Hormetan, ordea, tamaina ezberdinetako zulo txikiak dituzte, hortik ura sar dadin. Belakiek ezintasuna dute alde batetik bestera mugitzeko eta beraien forma ez dago definituta, hau da, ez dira guztiak berdinak. Orain dela gutxi ezagutu da, belaki batzuk mugitzen direla baina oso motel.
Nola jaten dute? aldatu
Beste animalia askorekin alderatuta, hauek ez dute ez ahorik ez digestio-aparaturik eta beste animalia batzuekin alderatuta, digestioa zelula barnean egiten dute. Itsasoetan aurkitzen diren plankton eta Bakterio txikiez elikatzen dira, filtrazioaren bidez.
Nola ugaltzen dira? aldatu
Gehiengoak hermafroditak dira, hau da, bai eme bai arren sexu organoak dituzte. Espermatozoideak eta obuluak uretara botatzen dituzte eta horrela uretan larba planktonikoak jaiotzen dira.