Txikipedia:Bali
Bali Indonesiako uharte eta probintzia da eta uharteaz gain, hurbileko irla txiki batzuk ere hartzen ditu, hala nola Nusa Penida, Nusa Lembongan eta Nusa Ceningan. Bere hiriburua Denpasar da.
Geografia
aldatuSondako Uharte Txikiak izeneko uhartedian dago. 145 kilometro luze eta 80 kilometro zabal da eta sumendiz sortutako uhartea da, beraz nahiko menditsua da.
Klima
aldatuKlima tropikala da, hau da, oso beroa da: apiriletik urrira lehorra da, eta azarotik martxora hezea.
Hizkuntza
aldatuBaliko hizkuntza ofiziala indonesiera edo Bahasa Indonesia da, nahiz eta baliniera ere hitz egiten den, jatorri malaysiarra eta polinesiera dituen hizkuntza.
Leku ikusgarriak
aldatuLeku interesgarri asko daude Balin, "Jainkoen uhartea" izenaz ezagutzen dena, bisitatzeko. Bertan bai tenpluak, bai arrozadi ederrak, natura basatia, lakuak, ur-jauziak, sumendiak eta hondartzak aurki ditzakegu.