Txikipedia:Almaiz

Almaiza, sukaldeko tresna izateaz gain, zuzenean kolpaturiko idiofonoen familiako soinu-tresna ere bada.

Nolakoa da?

Metalezko eta urre koloreko ontzi bat izaten da, eta mazotxo bat izaten du.

Nola jotzen da?

Almaiz jole bat.

Esku batekin almaiza azpitik heldu eta beste eskuarekin mazotxoa harturik, ontziaren barnealdeko paretak jotzen dira, erritmoa markatuz.

Almaiza euskal herri-musikan

Inguruko beste kulturetan bezala, Nafarroako zenbait tokitan kantuen erritmoa markatzeko erabili dituzte halako sukaldeko tresnak; esate baterako, Izarbeibarrean Eguberrietako kantuak laguntzeko.