Txakur-hortz
Txakur-hortza (Erythronium dens-canis) Liliaceae familiako landare loredun erraboilduna da, Erythronium generokoa. Erraboiloa zuria eta txakur-hortz baten itxurakoa denez, hori du izen arruntaren jatorria.
Txakur-hortz | |
---|---|
Sailkapen zientifikoa | |
Erreinua | Plantae |
Ordena | Liliales |
Familia | Liliaceae |
Generoa | Erythronium |
Espeziea | Erythronium dens-canis |
Europa Erdialdean eta Hegoaldean eta Ukrainan du jatorria[1].
Neguaren bukaeran, otsail aldean loratzen diren lehen landareetako bat da. Lore hauek zuhaitzen hostoak sortu aurreko denbora baliatu behar dute sortu eta garatzeko, basoa itzalean gelditu baino lehen.
Landareak bi hosto orbandun oposatu eta lore bakarra izaten ditu. Lorearen petaloak zabaltzen direnean gorantz jasotzen dira, 6 lorezil eta ginezeo handi bat agerian utziz. Pagadi eta hariztietan aurki dezakegu, lur azidoetan.
Erreferentziak
aldatu- ↑ (Ingelesez) «Erythronium dens-canis L. | Plants of the World Online | Kew Science» Plants of the World Online (Noiz kontsultatua: 2023-02-18).