Tubular Bells

Tubular Bells
Mike Oldfielden albuma
Egilea(k)	Mike Oldfield
Argitaratze-data	1973
Izenburua	Tubular Bells
Ekoizpen lekua	Erresuma Batua
Ezaugarriak
Genero artistikoa	Rock progresiboa
Hizkuntza	ingelesa eta hizkuntza edukirik gabea
Iraupena	48:57 minutu
	Tubular Bells – Side One; ; Tubular Bells – Side Two;
Diskoetxea	Virgin Records
Deskribapena
Honen parte da	Mike Oldfield's albums in chronological order (en)
Ekoizpena
Ekoizlea	Tom Newman (en)

Tubular Bells (euskaraz Kanpai Tubularrak) 1973ko Mike Oldfield (Reading, Ingalaterra, 1953) britainiar musikariaren abesti bat da. Izan ere, musikari honek soilik 20 urte zituela kaleratutako lehenbiziko musika-lana izan zen. Gerora, musikariak berak lan honen hainbat bertsio kaleratu izan ditu.

Abestiaren piano-solo zirraragarria 1973ko The Exorcist filmako soinu bandaren zati eta filmaren beraren doinu ospetsua bilakatu zen.

Tubular Bells Mike Oldfielden bakarkako lehenengo diskoa izan zen, baina ordurako ibilbide sendoa egina zuen musika munduan musikariak. 15 urte besterik ez zituela, The Sallyangie folk taldea sortu zuen bere arreba Sallyrekin, eta disko bat ere grabatu zuten elkarrekin: Children of the Sun (1969). Gainera, Kevin Ayersek (Soft Machine) bere bakarkako proiektua laguntzeko sortutako The Whole World taldeko partaide ere izan zen bi diskotan: Shooting at the Moon (1970) eta Whatevershebringswesing (1971).^[1]

Tubular Bellsek segitzen du izaten Oldfielden lanik goraipatuena, eta behin baino gehiagotan jo du harengana. 1992an Tubular Bells II argitaratu zuen, eta gerora iritsiko ziren Tubular Bells III (1998) eta Tubular Bells 2003 (2003) lanak.

Konposizioen zerrenda aldatu

1973ko jatorrizko edizioa aldatu

Alde bat

«Tubular Bells, Part One» – 25:58

Bi aldea

«Tubular Bells, Part Two» – 23:20

Deluxe edizioa (2009) aldatu

Edizio horretan, jatorrizko diskoarekin batera beste bi konposizio eta mix berri bat jaso ziten.

«Tubular Bells (Part One)» (2009 stereo mix) – 25:58
«Tubular Bells (Part Two)» (2009 stereo mix) – 23:20
«Mike Oldfield's Single» – 3:53
«Sailor's Hornpipe» (Vivian Stanshall version) – 2:48

«The Sailor's Hornpipe» Olfieldek konposatutako musika tradizionalaren moldaketa da.^[2]

Erreferentziak aldatu

Ikus, gainera aldatu

The Exorcist (filma)

Kanpo estekak aldatu

Tubular Bells abestia entzungai
Mikel Lizarralde: "Kanpaien sinfonia", Berria, 2023ko maiatzaren 21ean.
(Ingelesez):Albuma Discogs webgunean.

Datuak: Q826224

[1] ttps://www.berria.eus/paperekoa/1942/036/001/2023-05-21/kanpaien-sinfonia.htm

[2] ttps://www.discogs.com/Mike-Oldfield-Tubular-Bells/release/2394363

[1]

[2]