Ireki menu nagusia

Software ingeniaritza

Software-aplikazioak mantentzeko eta sortzeko ingeniaritzaren adar bat. Informatika, ingeniaritza, proiektu-kudeaketa eta beste arloko jakintzak aplikatzen dira software-proiektu batean.
Software ingeniari» orritik birbideratua)

Software-ingeniaritza software aplikazioak mantentzeko eta sortzeko ingeniaritzaren abar bat da. Informatika, ingenieritza, proiektu kudeaketa eta beste arloko jakintzak aplikatzen dira software proiektu batean.

Hasierako aplikazio informatikoak planifikazio gabe eta teknika zaharrekin diseinaturik zeuden. Sortzen zen softwarea, kalitatea oso baxukoa zen, ondorioz produktibitatean jaitsiera bat egon zen, sektorea krisian sartuz. 70. hasieran hasi ziren informatikari taldeak softwarea, planifikazio eta teknika hobez diseinatzen (diseinu modularra, beheranzko metodologia...).

Definizio orokor asko proposatu arren, denak azpimarratzen dute, softwarea garatzeko, ingeniaritzaren diziplina bat egon behar dela.

Softwareko ingeniaria, sistemen eta hardwarearen ingeniaritzatik sortzen da eta hiru elementu nagusi erabiltzen ditu: metodoak, tresnak eta prozedurak. Hiru elementu hauek proiektuen zuzendariari, softwarearen garapeneko prozesua, hobeto kontrolatzen laguntzen diote. Gainera, ingeniaritza honetan lanean daudenei, goi mailako softwarea lortzeko oinarriak ematen die.

Ingeniaritza honek informatikako eta konputazio-zientziekin hainbat arlo ezberdinekin jarduten du, hala nola, konputadore eraikuntzan, sistema eragilean, edota internet/intraneten garapenean, edozein motatako informazio sistemaren eta eremu anitzetan ezargarriak diren bizitza zikloaren eboluzioaren fase guztiak barneratuz(negozioak, azterketa zientifikoa, medikuntza, produkzioa, logistika, banka, trafiko kontrola, meteorologia, zuzenbidea, internet, intranet, etab.). Hiztegietan ez da oraindik definizio zehatzik tartekatu, hala ere, izen handiko autoreek enuntziatutakoak aipa daitezke:

Izeneko autoreen definizioakAldatu

  • Software ingeniaritza software sistemen garapena eta mantentzearentzat egindako oinarri eta metodologien azterketa da (Zelkovitz, 1978).
  • Software ingeniaritza ordenagailu programen eraikuntzan eta diseinuan eta hau egin, garatu eta mantentzeko beharrezkoa den erlazionatutako dokumentazioan ezagupen zientifikoaren aplikazio praktikoa da. Softwarearen garapena edo softwarearen produkzio bezala ere ezagutzen da (Bohem, 1976).
  • Software ingeniaritza ingeniaritzan printzipio eta metodoen ezarpenean datza, errentagarria eta fidagarri den, eta makina errealetan lan egin dezaken software bat lortzeko helburuarekin sortua (Bauer, 1972).
  • Softwarearen ikuspegi sistematiko, diziplinatu eta garapenarentzat kuantifikagarri eta softwarearen ekintza eta mantentzearen aplikazioa da; hau da, softwarean egindako ingeniaritzaren aplikazioa (IEEE,1993).

Datu gehigarriakAldatu

2004.urtean, Estatu Batuetan, lan estatistiken bulegoak (U.S. Bureau of Labor Statistics) 760 840 Software ingeniari kontatu zituen. “Software ingeniari” hitza, hala ere, modu generikoan erabiltzen da enpresa munduan eta software ingeniari guztiek ez dute unibertsitate ezagunen ingeniari titulurik.

Autore batzuk Software ingeniaritza baino Softwarearen garapena terminoa hobesten dute softwarea sortzeko prozesuarentzat. Batzuek bestalde, hala nola Peter McBreen (“software craftmanship-en egile) pentsatzen dute Software ingeniaritzak zehaztasun maila bat eta era guztietako software garapenetarako aproposak ez diren prozesuen frogak suposatzen dituela.

Software ingeniaritza edota softwarearen ingeniaritza hitzak berdin erabiltzen dira. Hispanoamerikan bietatik lehengoa erabiltzen da normalean.

Wikimedia Commonsen badira fitxategi gehiago, gai hau dutenak: Software ingeniaritza