Shamisen
Shamisen Japoniar musika-instrumentua, lautearen antzekoa da. Trasterik gabeko gider luzea du, hiru hari, larakoak aldeetara jarriak, eta kaxa karratua, katu-larruz estalia aurretik eta atzetik. XVI. mendean Japonian sartu zen San-shien txinatar lautetik eratorria da. Oso erabilia da Japoniako herri-musikan, kantuei laguntzeko, eta Kabuki teatroko orkestran. Plektro luze batez jotzen da.
Erreferentziak aldatu
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
