Patxy Kennedy
Patxy Kennedy[1] (Reno, Nevada, Ameriketako Estatu Batuak, 1980) euskal jatorriko surflari eta idazlea da.
| Patxy Kennedy | |
|---|---|
| Bizitza | |
| Jaiotza | Reno, 1980 (43/44 urte) |
| Hezkuntza | |
| Hizkuntzak | frantsesa ingelesa |
| Jarduerak | |
| Jarduerak | eleberrigilea eta surflaria |
| Lantokia(k) | San Frantzisko |
Biografia aldatu
Euskal jatorriko komunitate handia dagoen Renon (Nevada) jaio zen: aita Texaskoa du eta ama, Lapurdiko Getariakoa.
Surfean, duen zaletasunik handienean aritu nahian, barnealdeko estatu horretatik abiatu eta egun San Frantziskon (Kalifornia) bizi da. Haren euskal jatorriak ere erraztu dio kirol horretan aritzea, 1995ean, 14 urte zituela, familiarekin Getariara bizi izatera joan zelako. Kalifornian musika munduan ere murgildu da.
Motibazio horiek (surfa, Euskal Herria) uztartuz, 2008an bere lehen liburua idazteari ere ekin zion, euskal diasporako idazleen lanei arreta eskaintzeko sortutako Aïtamatxi argitaletxeko Franck Salaberrik bultzatuta[2][3].
Lanak aldatu
- Basky Surf Party (2008, Aïtamatxi) ISBN 978-2-9532331-0-0. 420 orrialde, frantsesez. Fikziozko eleberria; liburua Kennedyren biografian oinarrituta dago: Benjamin Basky, Benji lagunentzat, Nevadako skate parkeak utzi eta Euskal Herriko kostaldera zein Landetakoetara joan zenekoa kontatzen du.
Erreferentziak aldatu
- ↑ Euskal diasporako kidea, hala (Patxy) idazten du bere izena.
- ↑ Basky Surf Party liburua Amazon.comen.
- ↑ Iparralden Aitamatxi argitaletxea jaio da, euskal Diasporako idazle gazteak ezagutzera emateko helburuarekin, Euskalkultura.com.
Ikus, gainera aldatu
Kanpo loturak aldatu
- Aïtamatxi argitaletxearen webgunea.
Datuak: Q12265621
