Ostalaritza

hirugarren sektoreko jarduera


Ostalaritza diru trukean bidaiariei ostatu eta oro har herritarrei jan eta edateko zerbitzuak eskaintzen dizkien sektore ekonomikoa da, hotelak, ostatuak, tabernak, jatetxeak eta antzekoak barnehartzen dituena,. Turismoarekin estu loturik dagoen sektorea da.

Ostalaritza establezimenduen tipologia.

Ostalaritzaren sektorea bi jarduera nagusik osatzen dute, ostatua edo hotel- eta jatetxe-jarduera, zeinak, aldi berean, hainbat jarduera  hartzen dituzten barne. Ostatatu zerbitzuari dagozkion eztablezimendu  tipologiaren barruan honako hauek aurki ditzakegu: hotelak eta antzeko ostatuak; ostatu turistikoak eta egonaldi laburreko beste ostatu batzuk; kanpinak eta karabanetarako aparkalekuak eta beste bizitoki batzuk; Bestetik, janari eta edarien zerbitzuetan hauek bereiz daitezke: jatetxeak eta janari-postuak; ekitaldietarako prestatutako janariak eta beste janari-zerbitzu batzuen hornitzea eta edari-establezimenduak.

Ohiko ostatu-eztablezimenduen mota.

Ostalaritzaren sektorearen barruan, ostatu-zerbitzua nagusiki arduratzen da bezeroei aldi baterako ostatua emateaz. Talde honetan hainbat  ostat-eztablezimendu daude. Hurrengoak dira nagusiak:

B & Bs

Bed & Breakfastak txikiak dira eta ostatua eta gosaria eskaintzen dute. Jabe gehienak eraikin berean bizi dira, eta ostatu-hartzaileek bainugela propioa edo partekatua duen gela pribatua dute.

Hotel-establezimenduak

Gau baterako edo gehiagorako ostatu motarik ezagunena. Ostatuaz gain, hotelek zerbitzu gehigarriak eskaintzen dituzte, hala nola gela-zerbitzua, garbiketa, otorduak eta bestelakoak. Eskaintzen dituzten instalazioen eta zerbitzuen ezaugarrien eta kalitatearen arabera, talde eta kategoria hauetan sailkatuko dira;

1. taldean, hotelak, bost, lau, hiru, bi eta izar batekoak

2. taldean. hostalak eta ostatuak, hiru, bi eta izar bat.

3. taldean.  fondak

4. taldean. hotelak-Apartamenduak, lau, hiru, bi eta izar bat.5


Motelak

Motelak hotelen antzekoak dira, baina errepideko bidaia batean atseden hartzeko diseinatuta daude, hala nola gidarientzat. Helburua dela eta, errepidearen ondoan egoten dira, eta doako aparkalekua dute. kanpotik sarrera independentea du. Motelak, «Hotelak» taldearen barruan dago , hiru, bi eta izar bateko kategorietan sailkatzen dira.

Aterpetxeak

Komunitatean ostatu hartzeko modu bat da. Aterpetxeek gela partekatuak dituzte, hau da, ostatu-hartzaileek oheagatik ordaintzen dute, eta ez logelagatik. Sukaldea eta dutxak ostalari guztiek partekatzen dituzte. Baliteke intimitate handirik ez eskaintzea, baina merkeak dira aurrekontu gutxiko bidaiarientzat.

Resortak

Resortak hotelen oso antzekoak dira, baina zerbitzu eta instalazio gehiago eskaintzen dituzte. Praktikan, horrek esan nahi du ostatu-hartzaileek nahi duten guztia lor dezaketela beren ostatuaren erosotasunetik. Resortek jatetxeak, kafetegiak, tabernak, dendak, bainuetxeak eta parkeak eskaintzen dituzte. Resorts askok dena barne duten paketeak eskaintzen dituzte.

Hotel-paketea ostatu-hartzaile baten egonaldia hobetzeko diseinatutako zerbitzu, prestazio eta esperientzien multzoa da. Bere helburua esperientzia integrala ematea da. Esperientzia horrek prezio murriztua izan ohi du, elementu bakoitza bere aldetik erostearekin alderatuta.

Ohiko janari- eta edari-establezimenduen  motak.

Janariak eta edariak egiten dituzten negozioez ari gara. Hainbat negozio mota sartuko genituzke, hala nola jatetxeak, otordu-etxeak, kafetegiak, tabernak, mesoiak, ardotegiak.

Jatetxeak

Bezeroek janariaz, edariaz eta zerbitzuaz gozatzeko erabiltzen dituzten ostalaritza-establezimenduak dira. Talde horretan,besteak beste, goi mailako sukaldaritzako edo ohiko jatetxeak, eramateko janariarenak, janari lasterrekoak daude.

Jatetxeak Frantzian jaio ziren, XVIII. mendearen bigarren erdian. Kontzeptu berria zen jatekoa dastatzera joateko.

Lehenengo jatetxearen sortzailea Dossier Boulanger izenez ezagutzen dugu. Rue Des Pouliesen zuen lokal batean bere platerak dastatzera joan nahi zuenarentzako gune bat sortzeko ideia izan zuen sukaldaria izan zen. Hasieran, salda berreraikitzaileak zerbitzatzen zituen, baina laster zabaldu zuen bere karta hainbat platerekin.

Frantziako Iraultzaren ondoren, familia aristokratikoetako sukaldari askok lana galdu eta Boulangerren ideiari jarraitzea erabaki zuten. Batzuek Parisen bertan ireki zituzten beren negozioak, baina beste batzuek Frantziako beste toki batzuetan, Ingalaterran eta Europako beste nazio batzuetan sortu zituzten beren negozioak.


Catering-a

Catering-a ohikoak ez diren lekuetan edo instalazioetatik kanpo antolatzea da. Catering-a janariak prestatzeari, leku jakin batean emateari, zerbitzuari eta arretari buruzkoa da, hala nola oturuntza bat antolatzea enpresaren instalazioetan edo pop-up kafetegi bat irekitzea zelai edo jolas-parke batean.

Pop-up kontzeptua lokal ibiltariak eta aldi baterakoak edo iragankorrak dira, egun gutxitan irekita daudenak esperientzia errepikaezina eskaintzeko.

Tabernak eta kafetegiak

Jendea erlaxatzeko, sozializatzeko, edari bat eta aperitibo bat hartzeko diseinatuta daude. Jatetxeetatik bereizten dira, giro lasaiagoa dutelako. Kafea, tea eta aperitibo arinak daude, eta tabernek edari alkoholdun eta ez-alkoholdun aukera zabala eta entretenimendua eskaintzen dute.


Aktibitate ekonomiko honen ezaugarriak

Lehen eta bigarren sektoreak nekazaritzan eta industrian oinarritzen diren bitartean,  hirugarren sektoreak biztanleek eskatzen dituzten zerbitzuak ekoiztea helburu duten jarduera guztiak osatzen du1.

Ostalaritza aktibitate ekonomikoaren hirugarren sektorean kokatzen da, edozein ekonomiarentzat oso garrantzitsua izanda  lan-aukera garrantzitsuak garatzen baititu.

Estatuko gainerako autonomia-erkidegoekin alderatuta, zerbitzuen sektoreko negozio-zifran partaidetza handiena izan zuten autonomia-erkidegoak Madril ( % 33,3), Katalunia ( % 19,5) eta Andaluzia ( % 9,9) izan ziren 2022an. Euskadi Estatuko bosgarren ekonomia izan zen.

Euskadiko ekonomia-jardueran hirugarren sektoreak garrantzi handia du eskaintzen dituen ondasun eta zerbitzuen kopuruei esker. 2022an zerbitzuen sektorea izan zen euskal ekonomiaren hazkundearen liderra, izan ere, 30.365 milio euroko negozio bolumena zuen1. Horrez gain, hirugarren sektorea bere osotasunean aintzat hartuta, % 4,7 hazi zen  eta okupazio-tasa % 3 igo zen4 . 2023an sortu ziren enplegu berri gehienak izan ziren, lanaldi osoko ia 14.000 lanpostu baliokideren hazkundeari esker (%2,0). Horrela, enpleguari dagokionez, zerbitzu sektorea EAEko ekonomiaren enplegu osoaren %72,4ra iritsi zen.3

Taula 2.- Magnitude erregionalizatuak, autonomia-erkidegoka zerbitzu sektorea. 2022. Lokalak.Milaka euro.Langileak

Lokal kopurua Negozio bolumena

(euro)

Aktibo materialetako inbertsioa Langile okupatuak
Estatua 2.344.569 717.332.552 45.798.790 8.344.263
Andalucia 365.389 71.055.425 3.660.697 1.181.832
Aragoi 61.558 13.348.347 906.716 200.215
Asturiaseko Printzerria 49.205 8.538.998 452.752 147.016
Balear Uharteak 73.799 27.969.834 1.985.144 263.007
Kanarias 111.084 29.578.666 1.587.976 406.100
Kantabria 27.432 5.087.581 224.036 84.361
Gaztela eta Leon 100.245 17.655.463 844.530 319.370
Gaztela-Mantxa 78.587 13.586.962 719.046 227.447
Katalunia 449.352 139.688.367 8.015.024 1.607.187
Valentziako Erkidegoa 253.398 58.327.414 3.810.257 795.812
Extremadura 39.434 5.500.256 459.463 117.604
Galizia 138.250 26.118.223 1.330.796 384.921
Madrilgo Erkidegoa 416.625 239.061.325 18.661.301 1.893.853
Murtziako Erregioa 61.932 13.639.616 744.291 216.461
Nafarroako Foru Erkidegoa 25.363 6.737.253 255.645 92.798
Euskal Autonomia Erkidegoa 76.921 30.364.907 2.008.126 348.021
Errioxa 11.548 2.848.977 109.922 42.387
CeutaKanarias 2.162 6.838.906 17.525 7.468
Melilla 2.283 1.386.032 5.545 8.405

Iturria: Instituto Nacional de Estadística  2022. urtea.


Ostalaritzari lotutako adierazle ekonomikoak Euskadin

Euskal Autonomia Erkidegoa (EAE) 2,22 milioi biztanle eduki arren, 2022. urteko datuen arabera,  EAEko   Barne-Produktu Gordina (BPG) 79.350 milioi eurokoa izan zen. Espainiako estatuko bosgarren ekonomia izan zen, hau da, Espainiako BPGren % 5,9 izan zen2.

2023an  BPGpc (Barne-produktu gordina biztanleriako) 32.130 eurora iritsi zen EAEn. Zifra hori  EB-27ko (30.669 euro) zenbatekoen artean zegoen3.

EAEko ostalaritza-jarduera testuinguru ekonomiko orokor batean kokatzeko, gainerako sektoreekin alderatzerakoan, azaltzen da Euskal Autonomia Erkidegoko ekoizpen-egituran manufaktura-industriaren pisu handia nabarmentzen dela, EAEko BPGaren % 23ren bat gutxi gora-behera. Izan ere, makineriaren, ekipamendu-ondasunen, metalezko produktuen eta garraio-materialaren fabrikazioa nabarmendu ohi da. Ostalarizak, merkataritza eta garraiorekin batera, pisu erlatiboari eusten dio.

Taula 1.- EAEko Barne-Produktu Gordina merkatuko prezioetan eta Balio Erantsi Gordina oinarrizko preziotan, jarduera-adarren arabera.

2022. Mila euro.

Uneko prezioak Portzentajezko egitura
Nekatzaritza;abeltzaintza 356.471 0,40
Erauzketa-industriak;manufaktura-industria 18.289.034 23,00
Eraikuntza 4.351.223 5,50
Merkataritza; garraioa; ostalaritza 14.979.273 18,90
Informazioa eta komunikazioak 1.969.253 2,50|
Finantza- eta aseguru-jarduerak 2.768.778 3,50
Higiezinen jarduerak 8.020.848 10,10
Jarduera profesionalak, zientifikoak eta teknikoak 5.942.341 7,50
Administrazio publikoa;hezkuntza 12.344.101 15,60
Arte-, jolas- eta entretenimendu-jarduerak 3.212.610 4,00
Balio erantsi gordin osoa 72.233.932 91,00
79.350.168 100,00

Iturria: Instituto Nacional de Estadística  2022. urtea.


Euskadiko ostalaritza sektorearen adierazle ekonomikoak beste zerbitzuekin alderatuta.

Ostalaritza sektorea EAEn hirugarren sektoreak duen azpisektore garrantzitsu horietako bat da.

Bost jarduera-multzo osatzen du ostalaritzaren sektoreak Ekonomia Jardueren Sailkapen Nazionalaren (EJSN -93) arabera: hotelak (55.1. taldea); kanpamenduak eta beste ostatu batzuk (55.2. taldea); jatetxeak (55.3. taldeak).; edarien establezimenduak (55.4. taldeak), eta janariak hornitzeko beste zerbitzu batzuk (55.5. taldea).


2022. urtean ostalaritzaren jardueraren hazkundea  %4,9 izan zen, turismoaren bultzadaren ondorioz3. Eustat-ek ahalbidetutako 2022-2023 urteko datuak erabiliz,  Merkataritza, Ostalaritza eta Garraioa taldea  2023, urteko aurrerapenean 17.608.020 eurora iritsi zen. Gainera, behera dagoen taularen datuen arabera ikus daiteke  Barne produktu gordinari dagokionezko hazkunde bat izan duela.

Taula 3.- EAEko Barne Produktu Gordina (BPG.). Ostalaritza eta beste sektoreak.

2022. Milaka euro.

2022 2023 (a)
Nekatzaritza;Abeltzaintza;Arrantza 716.638 779.192,0
Industria eta Energia 18.931.360 19.902.093
Eraikuntza 4.259.938 4.514.846
Zerbitzuak 54.433.920 58.724.838
Merkataritza, Ostalaritza,Garraioa 16.601.699 17.608.020
Administrazio Publikoa, Hezkuntza, Osasuna 13.647.242 14.221.321
Gainerako zerbitzuak 24.184.979 26.895.497
Guztira 78.341.856 83.920.969

Iturria:  Eustat. 2022. urtea.


EAEko ostalaritza establezimenduen ezaugarriak.

INE-k ahalbidetutako 2023. urteko datuen arabera, Euskadi Autonomia Erkidegoan ostalaritza-jarduerara bideratutako establezimenduen kopurua 13.285 izan ziren. Beste sektoretan gertatzen ez den bezala, ostalaritzaren sektorea EA Erkidegoan homogeneoki dago banatuta, izan ere, hiru lurralde historikoetan dago eta  udalerri guztietan ageri da.


INE-k emadako datuak analizatzekotan, EAEko ostalaritza-sektorean garrantzi handia du janari eta edarien zerbitzuak, izan ere,  2023. urtean establezimenduen % 90,24 jatetxe-sektorera bideratuta zeuden bitartean, ostatu-sektorea ez zen establezimenduen % 10,00era iritsi. Ostatuen azpisektoreen artean edari-establezimenduek beste azpisektoreek baino pisu gehiago dute, Horrela, urte horretan edari- establezimenduek ehuneko 57,87a irudikatu zuten. Bigarren postuan,  jatetxe eta janari-postuen jarduerak aurki daitezke

Taula 4.- EAEko ostalaritza sektoreko jarduerak,

Establezimenduak.2023.

Zk. %.
Ostatatu zerbitzuak 1.296 9,76
Hotelak eta antzeko ostatuak 581 4.37
Ostatu turistikoak eta egonaldi laburreko beste ostatu batzuk 602 4,53
Kanpinak eta karabanetarako aparkalekuak 22 0,17
Beste bizitoki batzuk 91 0,69
Janari eta edarien zerbitzuak 11.989 90,24
Jatetxeak eta janari-postuak 4.002 30,12
Ekitaldietarako prestatutako janariak eta beste janari-zerbitzu batzuk hornitzea 299 2,25
Edari-establezimenduak 7688 57,87
Guztira 13.285 100

Iturria:  INE. 2023. urtea.


Ostalaritza establezimenduen tamaina.

Ostalaritza-sektoreko establezimendu gehiena mikroenpresak dira, hau da, 10 langile baino gutxiago daukatenak. 2023. urteko datuen arabera, mikroenpresak establezimendu guztien %95,50 ziren. Enpresa txikiak (10 eta 49 arteko pertsona okupatuak) establezimendu guztien %4,15 ziren,

Halaber, nabarmen daiteke, bai ostatu zerbitzu sektorean bai janari eta edari zerbitzu sektorean, sektoreko lau establezimendutik hiruk bost langile baino gutxiago dituela.

Taula 5.- EAEko ostalaritza sektoreko jarduerak,

Establezimendu tamaia.2023.

Guztira Beharginik gabe 1etik-2ra 3tik-5era 6tik-9ra 10etik-19ra 20tik-49ra 50etik-99ra 100etik-199ra 200etik-499ra 500etik aurrera
Ostatatu zerbitzuak 1.296 548 356 175 99 55 51 8 4 0 0
Hotelak eta antzeko ostatuak 581 124 158 114 79 50 44 8 4 0 0
Ostatu turistikoak eta egonaldi laburreko beste ostatu batzuk 602 383 164 38 12 3 2 0 0 0 0
Kanpinak eta karabanetarako aparkalekuak 22 3 8 7 3 1 0 0 0 0 0
Beste bizitoki batzuk 91 38 26 16 5 1 5 0 0 0 0
Janari eta edarien zerbitzuak 11.989 2.638 5.460 2.702 719 312 132 11 6 5 4
Jatetxeak eta janari-postuak 4.002 329 1.597 1.238 464 253 115 5 1 0 0
Ekitaldietarako prestatutako janariak eta beste janari-zerbitzu batzuk hornitzea 299 84 93 63 13 19 8 5 5 5 4
Edari-establezimenduak 7.688 2.225 3.770 1.401 242 40 9 1 0 0 0

Iturria:  INE. 2023. urtea.

Ostalaritza establezimenduen enplegua.

Eustat-Euskal Estatistika Erakundearen zifrei erreparatuz, 2022an Euskadik 1.126.785 landun zituen. Hala, enpleguaren ia % 75 zerbitzuen sektoreari zegokion.

Taula 6.-EAEko lanpostuak, jarduera-adarraren arabera.2023.
Zk. %.
Nekatzaritza;Abeltzaintza;Arrantza 18.590 1.65
Industria eta Energia 211.832 18,80
Eraikuntza 65.302 5,80
Zerbitzuak 833.061 73,75
Guztira 1.126.785 100

Iturria:  INE. 2023. urtea.

EAEko ostalaritzaren sektoreak enplegua sortzeko sekulako ahalmena du. Hala, ostalaritza jarduerak ia 62.500 langile zituen 2022. urtearen amaieran. Estadistika datuek kontuan hartuta, esan daiteke  soldatapekoak nagusitzen direla,  sektoreko langile guztien %82,27a ordezkatuz. Autonomoak, berriz, ez dira % 18ra heltzen, Eta enplegua  janari eta edarien jarduerakoetan metatzen da. Gainera, sektoreko enpleguak nagusiki hirikoak dira.

Taula 7.- EAEko ostalaritza-sektorearen makromagnitudeak.Langileak.2022.
Ostalaritza Sektorea % Ostatu zerbitzua % Janari eta edari zerbitzua %
Langile okupatuak 62.406 100 6.629 100 55.777 100
Beregainak 11.063 17,73 716 10,80 10.347 18,85
Soldatapekoak 51.343 82,27 5.913 89,20 45.430 81,45

Iturria:  Eustat. 2022. urtea. Zerbitzuen inkesta

Ostalaritzako bi jarduera-adarrak analizatzerakoan, adierazten da ostatu-establezimenduen azpisektorekoen barruan, hoteletan pertsona gehiago egiten dutela lan beste ostatuetan baino .    

Bestalde, janari eta edari establezimenduen azpisektorekoen barruan, edari establezimenduek nagusitzen dute enplegua. Izan ere, nabarmentzekoa da  ostalaritzan lan egiten duten bi pertsonatik bat establezimendu horietako batean aritzen baita.

Grafikoak erakusten du ostalaritza zerbitzuak duen atal guztien artean jatetxeak liderrak direla enpleguaren sorrerari dagokionez.

Taula 8.- EAEko ostatu-zerbitzuaren makromagnitudeak. Langileak. 2022.
Hotelak % Beste ostatuak %
Langile okupatuak 4.908 100 1.721 100
Beregainak 220 4,48 496

28,82

Soldatapekoak 4.688 85,52 1.225 71,18

Iturria:  Eustat. 2022. urtea. Zerbitzuen inkesta

Taula 9.- EAEko  janari eta edari zerbitzuaren makromagnitudeak.Langileak. 2022.
Jatetxeak % Beste janari zerbitzuak % Edari establezimentuak %
Langile okupatuak 26.405 100 10.694 100 18.678 100
Beregainak 2.821 10,58 123

1,15

7.403

39,63

Soldatapekoak 23.584 89,32 10.571 98,95 11.275 60,37

Iturria:  Eustat. 2022. urtea. Zerbitzuen inkesta

Begi bistan dago hiru jarduera-eremuak, hotelak, jatetxeak eta edari-establezimenduak, EAEko jarduera ekonomiko osoari egiten dioten ekarpenean garrantzi handia dituztela.




Ostalaritza sektorean turismoaren eragina

Turismoa funtsezko sektorea da edozein ekonomiatan, eta dudarik gabe, indar eragile garrantzitsuenetako bat da ostalaritzaren industriarentzat.

EAEko turismo-eskaintzaren aniztasuna askotarikoa da. Naturako atseden-turismoak, hiriko turismoak, turismo-ibilbideek, kultura-turismoak, kostaldeko turismoak eta turismo gastronomikoak, besteak beste, bisitatu nahi dituzten pertsonei bideratutako  eskaintza zabala   marrazten dute.

Euskadira etortzen diren turisten gehiena aisia-arrazoiengatik etortzen da. Horietatik, ia denak oporraldia edo aisia-egun batzuk igarotzeko asmoz etortzen dira. Eta turisten beharrei erantzuteko ostalaritza sektorea dago.

Turismo jarduera ezaugarriak Euskadin

Turismo mota

Turisten jarduera nagusiak hiriko turismoan kokatzen dira eta Euskadira etortzen diren pertsonek gehien egiten dituzten jarduerak gastronomiaren alderdi guztiekin zerikusia dutenak dira: pintxoak jatea, jatetxeetan jatea, produktu gastronomikoak erostea, etab. Baita hiriko turismoaren eta turismo kulturalaren arloko jarduerak egitea ere, lurralde osoan presentzia handia dutenak.

Euskadiko helmuga turistikoak

Euskal Autonomia Erkidegoko beste helmuga batzuetan ere mota horretako turistak daude, baina nagusiki Bilbon (%39,5) eta Gasteizen (%39).

Turisten jatorria

Euskadira etortzen diren turisten % 57 estatukoak dira. Horien % 11 barne-turismotzat jotzen da (erkidegoan bertan bizi direnak), eta % 46 estatuko beste autonomia-erkidego batzuetatik etortzen da. Estatu barruan, Madrilgo Autonomia Erkidegotik etorritakoak nabarmentzen dira (% 12).

Nazioarteko turistak Euskadira etortzen diren pertsona guztien % 43 dira eta merkatu nagusien artean Frantziatik etorritako turistek dute garrantzirik handiena (% 9).

Nolakoak diren Euskadira etortzen direnak

Euskadira etortzen diren turisten batez besteko adina 49 urtekoa da. 59 urtetik gorakoen adin-tarteak aisia-arrazoiengatik Euskadira etortzen diren turisten % 30 hartzen du. Gazteenen adin-tartea, aldiz, (18 eta 39 urte artean) ozta-ozta iristen da % 12ra.

Ostatu-motak

Euskadin hotel-establezimenduetan ostatu hartzea da ohikoena (% 84). Horien ondoren eta garrantziaren araberako hurrenkeran, kanpinean (% 9) gaua ematen duten turistak, landa-ostatuetan (% 5) ematen dutenak eta apartamentu turistikoetan (% 2,5) ematen dutenak daude.

Txosnak: Euskal Herriko jai-identitatea

Txosnak jaietako etxolak dira, non edariak eta janariak zerbitzatzen diren.Herri adierazpen aldarrikatzailea, parte-hartzailea, kooperatiboa eta solidarioa dira.

Euskal Herriko hirietako, herrietako edo auzoetako jaietan txoznak agertzen dira.

Hirurogeita hamarreko hamarkadaren amaierako tradizionalegiak eta oso instituzionalizatuak ziren jai ofizialen ordezko gune gisa sortu ziren. Garaiko jai-programa tradizionalaren eta ofizialaren alternatibaren bila ibiltzea zen helburua

Txosnetako herri-kolektibo askok izaera borrokalaria eta aldarrikatzailea galdu  badute ere, oraindik ere erreferente sozial eta kultural garrantzitsua dira, jaietako eredu parte-hartzaile, herrikoi, parekide eta euskaldunaren aldeko apustua eginez.


Taulak

Taula1. EAEko Barne-Produktu Gordina merkatuko prezioetan eta Balio Erantsi Gordina oinarrizko preziotan, jarduera-adarren arabera. 2022. Mila euro.

Taula 2. Magnitude erregionalizatuak, autonomia-erkidegoka zerbitzu sektorua. 2022. Lokalak.Milaka euro Pertsonak.

Taula 3.  EAEko Barne Produktu Gordina (BPG. ) Ostalaritza eta beste sektoreak. 2022. Milaka euro. 

Taula 4.  EAEko ostalaritza sektoreko jarduerak, Establezimenduak.2023.

Taula 5.  EAEko ostalaritza sektoreko jarduerak,Establezimendu tamaia.2023.

Taula 6. EAEko lanpostuak, jarduera-adarraren arabera.2023.

Taula 7. EAEko ostalaritza-sektorearen makromagnitudeak.Langileak.2022.

Taula 8. EAEko ostatu-zerbitzuaren makromagnitudeak. Langileak. 2022.

Taula 9. EAEko janari eta edari zerbitzuaren makromagnitudeak.Langileak. 2022,

Glosarioa

aldatu

BEG                     Balio erantsi gordina

aldatu

BPG                      Barne Produktu Gordina

aldatu

BPGpc                   Barne-produktu gordina biztanleriako

aldatu

EAE                     Euskal Autonomia Erkidegoa

aldatu

EB                         Europar Batasuna

aldatu

EJSN                     Ekonomia Jardueren Sailkapen Nazionala

aldatu

Eustat                   Euskal Estatistika Erakundea

INE                       Espainiako Estatistika Institutua

aldatu

Erreferentziak

aldatu

1 Federico J. Caballero Ferrari (24 de enero, 2016). Economipedia.com

2 Fichas Comunidades Autonomas La Caixa https://www.caixabankresearch.com/es/publicaciones/fichas-comunidades-autonomas/pais-vasco

3  EAEko ekonomiaren urteko txostena 2023. Ekonomia, Lan eta Enplegu Saila. https://www.google.com/url?sa=t&source=web&rct=j&opi=89978449&url=https://www.euskadi.eus/contenidos/informacion/informe_anual_2015/eu_publica/adjuntos/2023_euskera.pdf&ved=2ahUKEwiZ8bKj9-2JAxVhhv0HHV5uGtwQFnoECBsQAQ&usg=AOvVaw16ym2c_N8FLQS_YjwJKN5O

4  “EUSKAL EKONOMIA 2022ko txostena” Laboral Kutxako Ikerketa Departamentua.

5 Orden de 19 de julio de 1968 por la que se dictan normas sobre clasificación de los establecimientos hoteleros

Webgrafia

aldatu

Basque Tour. (2023) Aisia-turisten tipologiak Euskadin Helbide honetan lortua https://www.basquetour.eus/analisis-de-la-oferta-y-demanda-turistica-de-abril-2024--y-resultados--del-perfil-de-la-industria-turistica-en-euskadi-2023.htm

aldatu

Caixabank. 2024Ko azaroaren 28an. Fichas Comunidades Autonomas . Pais Vasco. Caixabankresearch.com-eko  artikulua. Helbide honetan lortua: https://www.caixabankresearch.com/es/publicaciones/fichas-comunidades-autonomas/pais-vasco.

aldatu

Economipedia.com. 20Ko martxoaren 13an eguneratuta.Sector terciario o servicios: Qué es, características y ejemplos Economipedia.com-eko artikulua. Helbide honetan lortua: https://economipedia.com/definiciones/sector-terciario-servicios.html

aldatu

Euskal Estatistika Erakundea (Eustat). (2022a). EAEko Barne Produktu Gordina (BPG.). Ostalaritza eta beste sektoreak. 2022. Milaka euro.. Datu estatistikoak.Helbide honetan lortua: https://www.eustat.eus/elementos/ele0014300/producto-interior-bruto-pib--de-la-ca-de-euskadi-por-componentes-oferta-y-demanda-precios-corrientes-miles-de-euros/tbl0014370_c.html

aldatu

Euskal Estatistika Erakundea (Eustat). (2022b). EAEko ostalaritza-sektorearen makromagnitudeak. Langileak.2022. Datu estatistikoak.Helbide honetan lortua: https://www.eustat.eus/estadisticas/tema_364/opt_0/tipo_1/ti_hosteleria/temas.html

aldatu

Euskal Estatistika Erakundea (Eustat). (2022c).EAEko ostalaritza sektorearen makromagnitudeak, Jarduera taldearen arabera. Mila euro. 2022. Datu estatistikoak. Helbide honetan lortua: https://www.eustat.eus/elementos/tbl0011761_e.html

aldatu

Eusko Jaurlaritza, Web Zerbitzuak.2023.EAEko ekonomiaren urteko txostena 2023. Ekonomia, Lan eta Enplegu Saila. Helbide honetan lortua: https://www.google.com/url?sa=t&source=web&rct=j&opi=89978449&url=https://www.euskadi.eus/contenidos/informacion/informe_anual_2015/eu_publica/adjuntos/2023_euskera.pdf&ved=2ahUKEwiZ8bKj9

aldatu

Instituto Nacional de Estadistica (INE) (2022a). Locales por CCAA, actividad principal y estrato de asalariados..2023. Datu estatistikoak.Helbide honetan lortua: https://www.ine.es/jaxiT3/Datos.htm?t=294

aldatu

Instituto Nacional de Estadistica (INE) (2022b). Magnitudes regionalizadas según comunidades y ciudades autónomas y actividad principal.2022. Datu estatistikoak.Helbide honetan lortua: https://www.ine.es/jaxiT3/Datos.htm?t=36188

aldatu

Instituto Nacional de Estadistica (INE) (2022c).P.I.B. a precios de mercado y valor añadido bruto a precios básicos por ramas de actividad: Precios corrientes por comunidades y ciudades autónomas, magnitud y periodo.  2016-2022.Datu estatistikoak. Helbide honetan lortua: https://www.ine.es/jaxi/Datos.htm?tpx=67281

aldatu

Kanpo estekak

aldatu

https://www.euskadi.eus

aldatu

https://www.eustat.eus

aldatu

https://www.ine.es

aldatu


  Artikulu hau zirriborroa da. Wikipedia lagun dezakezu edukia osatuz.