Morokila arto-irina uretan egosi eta irabiatuz egiten den ahi edo orea da[1]. Euskal Herriko jaki tradizionala izan da urte askoz, baina gaur egun ez da horren arrunta. Azken aldian italierazko polenta hitza entzuten hasi da morokilaren parekoa den janari italiar bat Euskal Herriko dendetan agertzen hasi den neurrian.

Morokila, arto-irin egosia esnetan
Morokila prestatzeko arto-irin egosi gabea.

PrestaketaAldatu

Morokila egiteko, arto-irina ur eta gatzarekin egosten da, etengabe eragiten den bitartean, pikorrik ez sortzeko. Antzina, etxerik aberatsetan uraren ordez esnea erabiltzen zen zuzenean morokila egiteko. Jateko orduan esnea eransten zaio, eta kasu batzuetan eztia ere bai. Hotza zerbitzatzen da, baina batzuek katiluan jaten zuten, ur edo esne beroa botata[2].

ErreferentziakAldatu

  1. «Morokila eta aixea» Euskonews 2009-09-25 Noiz kontsultatua: 2020-03-29.
  2. «Artoa» Auñamendi 2009-09-25 Noiz kontsultatua: 2020-03-29.

Kanpo estekakAldatu