Masters eta Johnson

Masters eta Johnson William Mastersek eta Virginia E. Johnsonek osatutako taldea, Estatu Batuetako ikertzaileak, giza sexualitatea ulertzeko garrantzi handiko aurkikuntzen egileak. Mastersek eta Johnsonek gizakiaren sexu-jokaera ikertu dute, eta arazo sexualen tratamenduari eta terapiari buruzko lanak ere egin dituzte. Bere ikerketak aurrera eramateko teknologia zabala erabili zuten, elektrokardiogramak, elektroentzefalogramak, kamerak eta baliabide biokimikoak eta abar, estimuluen aurrean gorputzak zein erantzun fisiologiko ematen zuen aztertzeko. Zenbait lan eman zituzten argitara elkarrekin, baina bat izan da bereziki garrantzitsua sexologiaren historian: Human Sexual Response (1966, Gizakiaren sexu-erantzuna). Liburu horretan hizkuntza teknikoa erabili zuten, ikertzaileei zegoen zuzenduta, baina best-seller izatera iritsi zen. Beste lan aipagarri batzuk ere argitaratu zituzten, adibidez, Human Sexual Inadequacy (1970, Desegokitasun sexuala), Pleasure Bond (1975, Plazerraren lotura), eta Heterosexuality (1994, Heterosexualitatea), Robert C. Kolodnyrekin elkarlanean azkena. Masters eta Johnson 1971. urtean ezkondu ziren, eta 1993an dibortziatu.

Erreferentziak aldatu

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak aldatu

Datuak: Q1758260
Multimedia: Masters and Johnson / Q1758260