Ireki menu nagusia

Martin Zalba (Iruñea, 1337 - Salon-de-Provence, 1403ko urriaren 18a) nafar elizgizona, Iruñeko apezpikua eta kardinala, 1377-1403 urteetan izan zen[1].

Martin Zalba
Cardenal Martín de Zalba.jpg
Kolegio Kardenalizioko kamarlengoa

1401 - 1403
kardinal

1378 - 1403
Iruñeko apezpiku edo artzapezpikua

1377 - 1390
apezpiku

Bizitza
Jaiotza Iruñea1337
Herrialdea  Nafarroa Garaia, Euskal Herria
Heriotza Salon-de-Provence1403ko urriaren  27a (65/66 urte)
Hezkuntza
Heziketa Tolosako Unibertsitatea
Boloniako Unibertsitatea
Avignongo Unibertsitatea
Jarduerak
Jarduerak apaiz katolikoa
Sinesmenak eta ideologia
Erlijioa Erromatar Eliza Katolikoa

Okzitaniako Tolosan, Bolonian eta Avignonen egin zituen ikasketak. 1363-1375 bitarteko urteetan, zuzenbide kanonikoko eskolak eman zituen Europako unibertsitate batzuetan, baina, irakaskuntza utzi ondoren, Akizeko barrutiko bikario nagusi izan zen. 1377. urtean apezpiku egin zuten, eta, ondoren, Italian izan zen, Aita Santuaren eta florentziarren arteko bakea lortzearren. Gregorio XI.a Aita Santua hil zenean eta Urbano VI.a ondorengo hautatu zutenean, okertu egin ziren apezpikuaren eta Aita Santuaren arteko harremanak, eta horrek Zalba hilarazteko saio hutsala egin zuen. Mendebaldeko Zisma gertatu zenean, Avignongo Klemente VII.a Aita Santuaren alde agertu zen. 1379-1383 bitartean Iruñeko apezpiku izan ondoren, eskumikatu egin zuen Urbano VI.ak. Karlos II.a hil zenean Nafarroara itzuli zen, eta, Klemente VII.ak eman zion ahalmenaz, Karlos III.a Nafarroako erregearen agindutara jarri zen. 1390. urtean Nafarroak Klemente VII.a onartu zuen Aita Santu gisa, eta Zalba kardinal izendatu zuten Iruñeko Katedralean. 1393. urtean Avignonera itzuli zen, eta handik urtebetera, Klemente VII.a hil ondoren eta Benedikto XIII.a Aita Santu hautatu zutenean, haren kontseilari eta Zismako erreferentzia bihurtu zen. 1403. urtean Nafarroako Karlos III.ak testamentua idatzi zuen, eta Zalba izendatu zuen Nafarroan bera hil ondoren agindu beharko zuen taldeko kide.

ErreferentziakAldatu

  1. Fernández Pérez, Gregorio (1820) Historia de la iglesia y obispos de Pamplona I.


Aurrekoa
Bernardo Folcaut
Iruñeko apezpikua
1377 - 1403
Ondorengoa
Miguel Zalba