Wikipedia

Mar Noguerol

Familia mediku espainiarra

María del Mar Noguerol Álvarez (Jaén), Mar Noguerol bezala ezaguna, Espainiako etxe-mediku eta politikaria da, osasun publikoaren eta lehen mailako arretareb defendatzailea.

Mar Noguerol

Bizitza
Herrialdea Espainia
Jarduerak
Jarduerakmedikua
Enplegatzailea(k)Madrilgo Erkidegoko Gobernua

Ibilbidea aldatu

Jaenen jaio zen baina Madrilen hazi zen. Hemezortzi urte zituela, Bilbora joan zen, eta han administrari lanetan aritu zen. Hogeita hiru urte zituela, Medikuntza ikasketak hasi zituen eta, aldi berean, administrari plaza lortu zuen oposizio bidez. Karrera amaitu zuenean, Asturiasen egin zuen mediku izateko egonaldia eta familia-medikurako oposizioak gainditu ondoren Fuenlabradako Cuzco osasun-zentroan hasi zen lanean[1]. Zentro horretako zuzendari izendatu zuten 2016. urtean, eta bertan egin du bere ibilbide profesional guztia.

2012. urtearen amaieran, Marea Zuria izeneko herri-plataforma sortu zen Madrilen[2]. Bertan, Medikuntzako zenbait profesional talde elkartu ziren Madrilgo Erkidegoko Gobernuak osasun arloan dituen politiken aurka borrokatzeko. Talde horietako bat Madrilgo Fakultatibo Espezialisten Elkartea (AFEM)[3] izan zen, Mónica García, Carlos Castaño, Belén Padilla edo Noguerol bezalako medikuek sortua. Zuzendaritza Batzordeko kide ere izan zen, komunikazio gisa.[4][5][6] Orduz geroztik, Madrilgo osasun publikoaren aldeko mobilizazioen parte hartu zuen.[7]

2019ko udal hauteskundetan, Fuenlabradako Izquierda Unida alderdiko zerrendetan independente bezala agertu zen.[8]

2022ko ekainean, Madrilgo Erkidegoko Gobernuak hamar hilabeteko zigorrarekin ebatzi zuen, lanik eta soldatarik gabe, Noguerolek 2021ean COVIDen bosgarren olatuan kontratu irregularrak egin zituen argitzeko irekitako espedientea. Noguerolek kautelazko neurriak eskatu ondoren, 2023ko urtarrilean epaitegiak ebazpena geldiarazi zuen.[9][10][11]

Bere ibilbide profesionalean, zenbait proiekturi buruzko interesa izan du. Horien artean, nabarmentzekoa da Madrilen 2012ko martxoaren 26 eta 27an egin zen Nazioarteko Sinposioan Oinarrizko Osasun Laguntzaren erantzuna txostenean izan zuen parte hartzea Madrileko Hegoaldean, 2012. urtearen amaieran izan zen Leishmaniasis agerraldien inguruan.[12][13][14]

SemFYC erakundeko Oinarrizko Osasun Laguntzako Jarduera Komunitarioen Programaren (PACAP) argitalpena den Comunidad aldizkariko batzorde zientifikoko kide da.[15] Hezitzaile lanetan ere aritu izan da.[16]

Yolanda Gonzálezekiko harremana aldatu

Noguerol Madrileko Aluche auzoan bizi zen Yolanda Gonzálezekin, 1980an komando ultraeskuindar batek hil zuenean.[17] Biak Partido Socalista de los Trabajadores alderdiko militanteak ziren biak etaestatu mailako topaketa batean ezagutu zuten elkar. González hil ondoren, Noguerol, bere alderdiko kideekin batera, komandoko kide guztiak egozten saiatu zen, eta hilketaren urteurrenean urtero egiten diren omenaldietan parte hartzen du.[18][19]

Erreferentziak aldatu

  1. ↑ (Gaztelaniaz) «Libre Eleccion Sanitaria - MADRID» www.libreeleccion.sanidadmadrid.org (Noiz kontsultatua: 2023-08-16).
  2. ↑ (Gaztelaniaz) Confidencial, El. (2012-11-28). «Una 'marea blanca' marcha en Madrid contra la privatización de la Sanidad» elconfidencial.com (Noiz kontsultatua: 2023-08-14).
  3. ↑ (Gaztelaniaz) AFEM - Asociación de Facultativos Especialistas de Madrid. (Noiz kontsultatua: 2023-08-14).
  4. ↑ (Gaztelaniaz) Moreno, Agustín. (2022-07-15). «McCarthy en Madrid: la purga de la doctora Mar Noguerol» elDiario.es (Noiz kontsultatua: 2023-08-16).
  5. ↑ (Gaztelaniaz) Calleja, Tono. (2012-12-10). «La ‘marea blanca’ tiñe de nuevo Madrid» El País ISSN 1134-6582. (Noiz kontsultatua: 2023-08-16).
  6. ↑ (Gaztelaniaz) «Junta Directiva» AFEM (Noiz kontsultatua: 2023-08-16).
  7. ↑ (Gaztelaniaz) Ferrero, Berta. (2022-07-30). «10 meses sin empleo y sueldo para callar a la voz de la protesta sanitaria en Madrid» El País (Noiz kontsultatua: 2023-08-16).
  8. ↑ (Gaztelaniaz) «Publicadas las candidaturas para las Elecciones Municipales 2019 de Fuenlabrada» Actualidad21 2019-04-24 (Noiz kontsultatua: 2023-08-16).
  9. ↑ (Gaztelaniaz) Ferrero, Berta. (2023-01-18). «Un tribunal acepta las medidas cautelarísimas en favor de la doctora Mar Noguerol, apartada por la Comunidad de Madrid» El País (Noiz kontsultatua: 2023-08-16).
  10. ↑ (Gaztelaniaz) «Polémica por la sanción de Madrid contra una directora de un centro de salud crítica» ElHuffPost 2022-07-12 (Noiz kontsultatua: 2023-08-16).
  11. ↑ (Gaztelaniaz) «Mar Noguerol, la médica amenazada con inhabilitación tras criticar a Ayuso: "Es un ensañamiento y buscan un castigo ejemplarizante"» www.publico.es 2023-01-18 (Noiz kontsultatua: 2023-08-16).
  12. ↑ (Gaztelaniaz) Molero, José María. (2012-03-19). «Estado actual de la Leishmaniasis visceral en el mundo y en España» Grupo de Infecciosas SoMaMFYC (Noiz kontsultatua: 2023-08-16).
  13. ↑ (Gaztelaniaz) «Simposio internacional, en Madrid, sobre Brotes de Leishmaniasis Visceral» www.ricet.es (Noiz kontsultatua: 2023-08-16).
  14. ↑ (Gaztelaniaz) Sevillano, Elena G.. (2012-03-27). «Detectado en Fuenlabrada el mayor brote de leishmaniasis en humanos» El País ISSN 1134-6582. (Noiz kontsultatua: 2023-08-16).
  15. ↑ (Gaztelaniaz) «Comunidad SemFYC» comunidad.semfyc.es (Noiz kontsultatua: 2023-08-16).
  16. ↑ (Gaztelaniaz) «Manejo clínico de los STUI secundarios a HBP» SlideServe 2014-08-13 (Noiz kontsultatua: 2023-08-16).
  17. ↑ (Gaztelaniaz) «Yolanda González: no siempre el tiempo es olvido» lamarea.com 2020-01-30 (Noiz kontsultatua: 2023-08-16).
  18. ↑ (Gaztelaniaz) «Memoria de Yolanda» El Correo 2013-03-02 (Noiz kontsultatua: 2023-08-16).
  19. ↑ (Gaztelaniaz) «Tribuna Complutense :: UCM» www.ucm.es (Noiz kontsultatua: 2023-08-16).

Kanpoko loturak aldatu

Categoría:Mujeres Categoría:Nacidos en los años 1960 Categoría:Personas vivas

"https://eu.wikipedia.org/w/index.php?title=Mar_Noguerol&oldid=9358769"(e)tik eskuratuta