María de Baratta
María Mendoza de Baratta (San Salvador, El Salvador, 1890eko otsailaren 27a – 1978ko ekainaren 10a) konpositorea, piano-jotzailea, musikologoa eta folklorista salvadorarra izan zen.[1] Yara Maya izena erabiltzen zuen izengoiti gisa, amona indigenaren omenez. Salvadorko folklorearen lehen ikerlaritzat hartzen da. Salcotitanen museo bat dago bere omenez.
| María de Baratta | |
|---|---|
| Bizitza | |
| Jaiotzako izen-deiturak | María Mendoza |
| Jaiotza | San Salvador, 1890eko otsailaren 27a |
| Herrialdea |  El Salvador |
| Heriotza | San Salvador, 1978ko ekainaren 4a (88 urte) |
| Jarduerak | |
| Jarduerak | piano-jotzailea, musikagilea eta folklorista |
| Musika instrumentua | pianoa |
  | |
Biografia aldatu
San Salvadorren jaio zen, José Ángel Mendoza doktorearen eta María García de Mendoza pianista ezagunaren alaba izan zen.[2][1]
Musikari ibilbidea aldatu
Bere ama izan zen lehen irakaslea, eta, gainera, solfeoko eskolak jaso zituen Agustín Solórzanorekin. Kontserbatorio Nazionalean Maria Zimmerman eta Antonio Gianoliren jarraitu zuen prestakuntza. Beste irakasle batzuk Juan Aberle, Vicente de Arrillaga, Alfredo Villalba eta Antonio Yianilli izan ziren. 1926 eta 1938 bitartean, Maríak karrera garrantzitsua izan zuen Amerikako eta Europako kontserbatorio eta arte-areto nagusietan. El Salvador ordezkatu zuen hainbat kongresu amerikanistatan eta folkloreari buruz. El Salvadorreko Ateneoan, Salvadoreña Historia Akademian eta Emakume Amerikarren Batasunean parte hartu zuen. 1962an Emakume Amerikar izendatu zuten (New York).[1]
1926tik 1938ra bitartean, Amerikako eta Europako kontserbatorioetan eta arte-aretoetan piano-kontzertuak eman zituen.
Lanak aldatu
Bertako gaiei buruzko 14 musika-lan eta 25 estilizazio folkloriko konposatu zituen. Horietako batzuk baino ez ziren argitaratu. Horien artean, honako hauek nabarmentzen dira:"Canto al Sol", "Ofrenda de la Elegida", "Los Tecomatillos", "Nahualismo", "El Teocalli" (ballet), "Procesión Hierática", "Danza del Incienso", "El Cancionero de la jarra verde" eta bere "Cuzcatlán Típico" (1951).[3] Argitalpen hau, "Cuzcatlant tipico", Salvadorreko herri indigena batzuetako musikaren idatzizko eta argazki-erregistro lehenenetariko eta zehatzenetako bat da.
Erreferentziak aldatu
- ↑ a b c María de Baratta | MUSEO DE LA PALABRA Y LA IMAGEN. (Noiz kontsultatua: 2021-08-31).[Betiko hautsitako esteka]
- ↑ Un museo para Yara Mara. .
- ↑ Baratta, María de. (1951). Cuzcatlán típico : ensayo sobre etnofonía de El Salvador : folklore, folkwisa y folkway. Primera parte. (Noiz kontsultatua: 2021-08-31).
Datuak: Q12326347
