Madarikazio

Madarikazioa, baita ere maldizio, madarizio, birao, ernegu, lengoaiaren botere magikoa erabiliz, beste pertsona edo pertsonen aurkako gogo txarra zuzentzea da.^[1] ^[2]^[3]

Antzinako madarikazio greziarra, K. a. IV. mendekoa. Berunezko orri baten gainean idatzita dago.

Madarikazioa sortzen duenak besteen aurkako desio okerrak errealitatera eraman nahi ditu, benetan gertatzea, esaterako, "ea zerri aurpegi hori puskatzen dizuten!".^[4] Modu batez naturaz gaindiko botere baten laguntza eskatzen da, sarritan. Madarikazioek tradizio luzea dute bai herrian baita mitologietan, sineskerietan eta kondairetan ere. Etimologikoki hitza latineko "maledictio" hitzetik eta "κατάρα" grezieratik dator.^[5]