Leonor Cortés Moctezuma
Leonor Cortés Moctezuma (1527 edo 1528 – 1594) Espainia Berriko Erregeorderriko aristokrata izan zen, Hernán Cortés eta Tecuichpo printzesaren alaba.
| Leonor Cortés Moctezuma | |
|---|---|
| Bizitza | |
| Jaiotza | 1527 |
| Herrialdea | Espainiar Inperioa |
| Heriotza | 1594 (66/67 urte) |
| Familia | |
| Aita | Hernán Cortés |
| Ama | Tecuichpo Ixcaxochitzin |
| Ezkontidea(k) | Joan Tolosa |
| Seme-alabak | |
| Anai-arrebak | ikusi
|
| Familia | ikusi
|
| Jarduerak | |
Biografia aldatu
Leonor Hernán Cortésen eta Isabel Moctezumaren alaba izan zen. Amak ez zuen inoiz onartu, bortxaketa baten ondoriozko haurra izan baitzen, eta testamentutik kanpo utzi zuen.[1][2] Cortesek alabaren ardura hartu zuen eta Juan Gutiérrez Altamiranori agindu zion bere zaintza.[3][4]
1546an, Mexikotik Zacatecasera joan eta Juan Tolosarekin, Zacatecasko Bufa muinoko zilarrezko meategiak aurkitu zituenarekin, ezkondu zen. Senar-emazteak Nochistlánen bizi izan ziren. Leku hartan sortu zen Guadalajara, Teocalticheren (Jalisco) ondoan. 1547an, aita hil zenean, 10.000 dukatu utzi zizkion. Ama 1550ean hil zen, eta testamentuan aipatu ez zuen arren 1/5 jaso zuen.[3]
Senar-emazteek hainbat seme-alaba izan zituzten:
- Juan Tolosa Cortés de Moctezuma, 1550eko hamarkadan jaioa, apaiz eta Zacatecasko bikario bihurtu zena.
- Leonor Tolosa Cortés de Moctezuma, 1564. urtearen inguruan jaioa, Cristobal Zaldívarrekin ezkondu zen, Vicente de Zaldívarren semearekin, Martín Enríquez de Almansaren (Espainia Berriko laugarren erregeordea) garaiko kapitain nagusiarekin.[5]
- Isabel Tolosa Cortés de Moctezuma, 1568. urtearen inguruan jaioa, Juan de Oñate konkistatzailearekin ezkondu zen, Santa Fe de Nuevo México probintziaren sortzaile eta lehen gobernadorearekin.[6]
Genealogia aldatu
Erreferentziak aldatu
- ↑ Thomas, La conquista de México, 685
- ↑ Chipman, Donald E. Moctezuma’s Children: Aztec Royalty... p. 51.
- ↑ a b Sagaón Infante, Raquel. «Testamento de Isabel Moctezuma» Jurídicas UNAM.
- ↑ Chipman, ibid.
- ↑ Thomas, H- La conquista de México, 688
- ↑ Saravia, A. G. Apuntes para... p. 93
- ↑ Quijada Cornish, B., La ascendencia y la familia...
Bibliografia aldatu
- Chipman, Donald E. Moctezuma’s Children: Aztec Royalty under Spanish Rule, 1520–1570. Austin: U of TX Press, 2005
- Thomas, Hugh (1993) "La conquista de México: el encuentro de dos mundos, el choque de dos imperios" (2000) traducción Víctor Alba y C. Boune, México, ed.Planeta ISBN 970-690-163-9
- Quijada Cornish, Beatrice (1917). La ascendencia y la familia de Juan de Oñate. [1] , 2010eko abenduaren 20an kontsultatua
- Saravia, Atanasio G. Apuntes para la historia de la Nueva Vizcaya. Introducción, compilación, bibliografía e índices de Guadalupe Pérez de San Vicente. Obras I. México, UNAM, 1993. (Nueva Biblioteca Mexicana) [2]
- Suárez, Ray. Latino Americans: The 500-Year Legacy That Shaped a Nation. EE.UU. Celebra. Penguin Group, 2013 [3]
Kanpo estekak aldatu
Datuak: Q965442
