Koadroa bizikleta baten oinarrizko pieza da, non beste osagaiak finkatzen diren, hala nola urkila, gurpilak, zela, eskulekua, etab. Laburbilduz, esfortzu handiak jasateko egitura zurrun bat lortzea da helburua, eta koadroa zenbat eta handiagoa izan, orduan ez da hain zurruna izango. Hala ere, material berriek, karbono zuntzak kasu, diseinu berriak ahalbidetzen ditu.

Bizikleta baten metalezko koadroa

Motak aldatu

Zurruna edo esekidura bikoitzekoa. Koadro mota ezberdinak dauden arren, errepideko lehiaketarako, pistarako, ziklo-kroserako, BMXrako edo mendirako, etab., koadro arruntenak segurtasun bizikletan oinarrituak daude, diamante koadroa bezala ezagutzen dena, bi triangelutan datzana: triangelu nagusi bat, eta triangelu pare bat, hodi finagoez osatuak, atzealdean. Beste bizikleta mota batzuetarako koadroek, hala nola tandema edo bizikleta etzanerako, beste ezaugarri batzuk behar dituzte, jakina. Koadro triangeluarrik ez duen beste bizikleta mota bat "andreentzako bizikleta" da, eta ez darama hodi horizontalik, nahiz eta bi hodi diagonal eraman ditzakeen edo ez...