Kharkiveko barreiatze-bonbardaketa
Kharkiveko barreiatze-bonbardaketak 2022ko otsailaren 28an, Errusiako Indar Armatuek misilekin egindako eraso batzuk dira, non 9 zibil hil eta beste 37 zauritu ziren Kharkiv hirian (Ukraina),[1] Kharkiveko guduaren testuinguruan eta Errusia Ukraina inbaditzen hasi zenean. Errusiar armadak barreiatze-munizioa erabili zuen erasoan; hala, populazio handiko eremuetan erabiltzen diren arma hauen izaera indiskriminatua dela eta, Human Rights Watchek eraso hauek gerra-krimen posibletzat jo zituen.[2]
| Kharkiveko barreiatze-bonbardaketa | |||
|---|---|---|---|
| |||
| Mota | Barreiatze-munizioarekin eginiko aire-erasoa | ||
| Honen parte da | Kharkiveko gudua (Ukrainako inbasioa) | ||
| Data | 2022ko otsailaren 28a (c. 10:00–14:23) | ||
| Kokaleku | Kharkiv, Kharkiv Oblasta (Ukraina) | ||
| Herrialdea | Ukraina | ||
| Pertsona hilak | 9[1] | ||
| Pertsona zaurituak | 37[1] | ||
| Erantzule |  Errusia | ||
.jpg)
Erasoa
aldatu2022ko otsailaren 28an, Kharkiveko guduaren testuinguruan eta goizeko 10:00ak inguruan, Errusiako Armadak Grad-misilak jaurti zituen Kharkiveko hiru bizitegi-eremu ezberdinetan, bederatzi zibil hilez.[2][3] Bederatzi horietatik lau, aterpe batetik ura lortzeko eta etxeratze-ukituen artean erosketak egitera joateko atera zirenean hil ziren; bi gurasoko familia bat eta hiru haur bizirik, bestalde, beren autoan erre ziren.[4] Erasotako lekuak bizitegi-eraikinak eta haur-parke bat izan ziren, Industrialny eta Xevtxenkivsky Barrutien artean sakabanatuta.[5] Hirian, leherketek eguerdiko 14:23ak arte iraun zuten.[2]
Ikerketak
aldatuHuman Rights Watchek erasoa ikertu eta ondorioztatu zuen indar errusiarrek Smerch-motako barreiatze-muniziozko misilak erabili zituztela, airean dozenaka azpimunizio sakabanatzen dituztenak.[5]
Nazioarteko itun batek barreiatze-munizioak debekatzen ditu, beren kalte orokorragatik eta zibilentzat duten arriskuagatik. Eraso hauetatik 400 metro baino gutxiagora helburu militarrik ez zegoenez, eta populazio-dentsitate handiko eremuetan erabilitako arma hauen izaera indiskriminatua dela eta, Human Rights Watchek ondorioztatu zuen bonbardaketa hau Errusiak eginiko gerra-krimena izan litekeela.[2]
Erreferentziak
aldatu- ↑ a b c Civilian casualty report – OHCHR
- ↑ a b c d (Ingelesez) «Ukraine: Cluster Munitions Launched Into Kharkiv Neighborhoods» Human Rights Watch 2022-03-04 (Noiz kontsultatua: 2022-04-11).
- ↑ (Ingelesez) «Several killed as Russian rockets pound Ukraine’s Kharkiv» www.aljazeera.com (Noiz kontsultatua: 2022-04-11).
- ↑ (Ingelesez) «‘Horrendous’ rocket attack kills civilians in Kharkiv as Moscow ‘adapts its tactics’» the Guardian 2022-03-01 (Noiz kontsultatua: 2022-04-11).
- ↑ a b (Ingelesez) «Dozens wounded in shelling of Kharkiv as Russia strikes buildings with suspected cluster munitions» Washington Post ISSN 0190-8286. (Noiz kontsultatua: 2022-04-11).
Kanpo estekak
aldatu
Datuak: Q111478174
