Katuen kantua
Katuen kantua Gose taldeak Joseba Sarrionandiaren hitzekin sortutako abestia da. 2014an Gose taldeak Gosariak diskoan plazaratu zuen.[1][2] 2015eko Korrika kulturalaren barruan aritu ziren kontzertuan ematen Euskal Herrian zehar.[3]
| Katuen kantua | |
|---|---|
 | |
| Gose (musika taldea)en musika-lana | |
| Egilea(k) | Gose (musika taldea) |
| Argitaratze-data | 2014 |
| Izenburua | Katuen kantua |
| Ezaugarriak | |
| Hizkuntza | euskara |
| Deskribapena | |
| Honen parte da | Olatu arteko txalupa arraroa |
| Hitzak | Joseba Sarrionandia |
Disko berean beste hamar kanta agertu ziren. besteak beste hauek:Txalupa, Banku atrakatzaileak, Zoroetxeko harresia, Katuen kantua, Alegrantziaren aldeko konjura, Bederatzi te kikara basamortu ertzean, edo Belengo albistiek.
-
Gose (2012) -
Sarrionandia (2016)
Hitz "KATU"dunak aldatu
Hitz-joko etengabe moduan entzun daitezke abesti honen hitzak, 41 bider agertzen baitira "ka-tu" silabak elkarren segidan. Horietarik 19 bider Katu hitzaren agerpenak dira, hitzak dituen lau adiera desberdinetan (felinoa, mozkorraldi ondokoa, tresna mekanikoa eta pistolaren osagaia), baina abestian badira KATUdun diren beste 13 berba (bilaKATU, debeKATU, esKATU, galdeKATU, konpliKATU, nazKATU, madariKATUa, musiKATU. nazKATU, oihuKATU, pusKATU, saKATU, uKATUa). "SaKATU dute KATUa" eta izenburua bera ere ("KATUen KAnTUa") bereziki jolasgurak dira. Paragrafo guztietan gutxienez bi "KATU" dira, eta batzuetan bost izatera ere ailegatzen dira. Adibidez honetan:[4]
- Halaxe da KATUa
- nazKATU, konpliKATU
- eta madariKATUa bilaKATU.
| « | Katua katua da, felidoen familiako ugaztuna. Baina katu katuaz aparte, beste gauza batzuei ere esaten zaie katua:
-- Mozkorraren ondorioari esaten zaio katua |
» |
—HEA kultur elkartea[5] | ||
-
KATU felinoak. -
SaKATU KATUa -
Autoa altxatzeko KATUa -
Biharamoneko "KATUa"
Honela hasten da Abestia:
- KATUEN KANTUA
- KATU bat lasai garaje alboan
- buztana altxatuz miauka
- kamioi handi bat heldu denean
- burrunbadan balaztaka.
- Txoferrak esKATU du errime,
- marmarrean eta irainka:
- “Gurpil zahar hori pusKATU baitzait,
- nork daki hemen mekanika?”
- Mekanikoa, logale, etzanda;
- garagardoen KATUa: “
- Ai zer tristea langilearen
- atsedenaldi uKATUa!”
- Halaxe da KATUa
- nazKATU, konpliKATU
- eta madariKATUa bilaKATU.
- [...]
Erreferentziak aldatu
- ↑ «Gosariak» www.badok.eus (Noiz kontsultatua: 2022-08-17).
- ↑ «Gose: 'Sarrionandiarekin topo egiteko puntua bilatu behar izan dugu'» EITB (Noiz kontsultatua: 2022-08-17).
- ↑ «Joseba Sarrionandia eta Ines Osinaga kontzertuan» Poetak Maiatzean (Noiz kontsultatua: 2022-08-18).
- ↑ Iratxe Retolaza. 'Gosariak: Joseba Sarrionandiaren poesia'. Poesia Plazara. Intxaurrondo Kultur Etxea. 2015-02-11.
- ↑ HEA. (2022-01-25). Olatu arteko txalupa arraroa. Ines Osinaga eta Joseba Sarrionandia - HEA Kultura Elkartea. (Noiz kontsultatua: 2022-08-18).
Ikus, gainera aldatu
Kanpo estekak aldatu
- Katuen Kantua -Gosariak. Youtube Gose-gaia
- Olatu arteko txalupa arraroa Joseba Sarrionandia, Ines Osinaga. Zaldiarri, hea.eus (Ea, 2022-01-25). Gosariak diskoko liburuxka olerkiekin eta azalpenekin.
- Gose: 'Sarrionandiarekin topo egiteko puntua bilatu behar izan dugu' Euskadi Irratia, Faktoria, EITB, 2014-10-27
- Joseba Sarrionaindiaren hitzak Gose taldeak musikaturiko Gosariak Radio Vitoria, EITB, 2014.10-31
- Olatu arteko txalupa arraroa Joseba Sarrionandia, Ines Osinaga. Literatura Literatura Poesia orduak. Donostia Kultura. 2022-09-08
Datuak: Q113622455
