Wikipedia

Happiest Season (filma)

Happiest Season komedia erromantikoko filma estatubatuarra da, Clea DuVallek 2020an zuzendua, DuVallek eta Mary Hollandek idatzitako gidoi batetik abiatuta. Kristen Stewart, Mackenzie Davis, Alison Brie, Aubrey Plaza, Dan Levy, Mary Holland, Victor Garber eta Mary Steenburgen aktoreekin, guraso kontserbadoreen aurrean armairutik ateratzeko borrokan dabilen emakume baten atzetik dabil filma, berak eta haren neska-lagunak Gabonetan familia bisitatzen duten bitartean. DuVallek esan du filma familiarekin izandako esperientzien bertsio erdi-autobiografikoa dela.

 Happiest Season (filma)
Jatorria
Argitaratze-data2020
IzenburuaHappiest Season
Jatorrizko hizkuntzaingelesa
Jatorrizko herrialdeaAmeriketako Estatu Batuak
Banatze bideaeskatu ahalako bideo eta theatrical release (en) Itzuli
Ezaugarriak
Genero artistikoakomedia erromantikoa, LGBTeei buruzko filma eta Gabonetako filma
Iraupena102 minutu
Zuzendaritza eta gidoia
Zuzendaria(k)Clea DuVall
Gidoigilea(k)Clea DuVall
Mary Holland

Antzezlea(k)
Kristen Stewart
Mackenzie Davis
Aubrey Plaza
Daniel Levy
Mary Holland
Alison Brie
Mary Steenburgen
Victor Garber
BenDeLaCreme (en) Itzuli
Jinkx Monsoon
Ana Gasteyer (mul) Itzuli
Jake McDorman
Sarayu Blue (en) Itzuli
Timothy Simons
Lauren Lapkus
Carla Gallo
Michelle Buteau








[[Kategoria:BenDeLaCreme (en) Itzuli antzeztutako filmak]]

[[Kategoria:Ana Gasteyer (mul) Itzuli antzeztutako filmak]]

[[Kategoria:Sarayu Blue (en) Itzuli antzeztutako filmak]]



Bestelako lanak
MusikagileaAmie Doherty (en) Itzuli
Argazki-zuzendariaJohn Guleserian (en) Itzuli
Fikzioa
Kontakizunaren tokiaPittsburgh
IMDB: tt8522006 Filmaffinity: 870884 Allocine: 264297 Rottentomatoes: m/happiest_season Mojo: happiestseason Metacritic: movie/happiest-season
Facebook: HappiestSeason Twitter: HappiestSeason Instagram: happiestseason Edit the value on Wikidata
BideoaYouTube

TriStar Pictures-ek ekoitzia, Huluk filma 2020ko azaroaren 25ean estreinatu zuen eta nazioartean berriz, Sony Pictures Releasing International eta Entertainment One enpresek azaroaren 26an. Pelikulak kritikarien kritika positiboak jaso zituen, aktoreen zerrenda goraipatuz.

Sinopsia

aldatu

Gabonetako festetan bere neskalagunari berekin ezkontzeko eskatzeko esperoan dagoen emakume bat konturatzen da bere bikotea denaren guraso kontserbadoreek ez dutela bere alabaren orientazio sexuala ezagutzen. [1]

Argumentua

aldatu

Oharra: Atal honek istorio osoa edo amaiera argitzen du.

Abby Holland eta Harper Caldwell ia urtebete batera daramatzaten bikote bat dira. Bere gurasoak hil zirenetik, Abbyri ez zaio Gabonak ospatzea gustatzen, beraz, Harperrek bere familiarekin jaiak bere jaioterrian ospatzera gonbidatzen du. Abbyk  aukera paregabea ikusten du Harperren gurasoak ezagutu eta Eguberri goizean Harperri berarekin ezkontzeko eskatzeko. Hala ere, jaioterrira bidean, Harperrek Abbyri gezur bat ezkutatu diola esaten dio, gurasoen aurrean armairutik oraindik irten ez dela esanez, Abbyri kontrakoa kontatu zion arren. Harper beldur zen bera lesbiana izateak aitaren alkatetzarako kanpaina oztopatu zezakeela pentsatzen zuelako. Beraz, Harperrek Abbyri oporretan pisukide heterosexualaren papera egiteko eskatzen dio, Abby oso ados ez dagoen arren.

Caldwelltarren etxean, Abbyk Harperren aita den Ted, Harperren ama perfekzionista den Tipper eta bere arreba zoro eta artistikoa den Jane ezagutzen ditu. Familiak Harperren "lagun umezurtz" gisa hartzen du Abby, Gabonak pasatzeko beste lekurik ez duena. Abby deseroso sentitzen da denbora guztian, baina deserostasun horrek gora egiten du bereziki Harperren mutil-lagun eta neska-lagun ohiak diren Connor eta Riley familiarekin gonbidatzen dituztenean. Bi bikote ohien bisitan zehar Abbyk Harperren aldetik ezagutzen ez zituen jarrerak ikusten hasten da, bere ahizpa zaharra den Sloanekin duen konpetentzia eta bere gurasoak diren Ted eta Tipperrek berekiko dituzten itxaropen altuak ikusita.

Jarraian, Ted Udaleko emaile bat txunditzen saiatzen ari dela, Sloanen seme-alabek supermerkatuko lepoko bat lapurtu eta Abbyren boltsan sartzen dute, bertatik ateratzean lapurtzat hartzen dutelarik. Teden kanpainarako kaltegarria izan daitekela uste dutenez, familiaren gainontzeko ekitaldi sozialetatik Abby urrun mantentzea hoberena litzatekeela erabakitzen dute. Egoera geroz eta arrotzagoa bihurtzen da Abbyrentzat. Eta gutxirako balitz, Harperren neska-lagun ohia den Rileyek Harperrek betidanik publikoki bere sexualitatea ukatu duela esaten dio, Abbyri bere erlazioaren etorkizunaren inguruan zalantzak sortzen hasten zaizkiolarik.

Caldwelldarren Eguberriko festan, Abby bere egungo egoerarekin guztiz nazkatuta dago, baina bere onerako, bere lagun mina den John abisatu gabe agertzen da bertan. Egoera ikusita, Harperrek Abbyri pribatuan hitz egiteko erregutzen dio eta hitz egiten amaitu eta elkar musukatzeko zorian daudenean, Sloanek ustekabean harrapatzen ditu. Aldi berean, Sloanen sekretuak ere argia ikusten du: bera eta bere senarra Eric dibortziatu egingo dira. Bi ahizpak, batak bestea zapaltzeko asmoarekin eta haien gurasoen aprobazioa lortzeko asmoarekin borroka publiko batean sartzen dira, festa hondatuz.

Sloanek gonbidatuen aurrean Harper lesbiana dela esan du, eta Harperrek berehala ukatu egiten du. Abbyk ukapena ikusita, atsekabetuta, etxetik alde egiten du Johnen laguntzarekin. Kanpoan daudela, John eta Abby familiarekin armairutik atera zireneko istorioez hitz egiten hasten dira: Abbyren gurasoak maitekorrak izan ziren eta beraien alaba onartu egin zuten; Johnen aitak, berriz, etxetik bota zuen eta hamahiru urtez ez zion hitz egin. Johnek Abbyri armairutik irtetea beldurgarria izan daitekeela gogorarazten dio.

Azkenean, Harperrek bere gurasoei lesbiana dela onartzen die. Honek, Sloanek bere sekretua azaltzera bultzatzen du, eta Janek bere gurasoei urte hauetan guztietan sentitu duen abandonuaren berri ematen die. Harperrek pausua eman duela ikusi arren, Abbyk Johnekin alde egiten du, dagoeneko zaurituegia dagoela eta Harperrekin duen harremanean konfiantzarik ez duela sentituz.

Tipperrek Tederi aurre egingo dio eta bere alabei eman nahi izan dien hezkuntza erabakien ondorioz, neskek jasan duten min emozionala azalduko dio, eta haien burua familia "perfektu" gisa aurkezteko duen beharraren aurka dagoela esaten dio.

Harper Abbyrengana zuzentzen da barkamena eskatzeko asmoarekin, benetan maite duela eta berarekin bizitza bat eraiki nahi duela aitortuz. Bere hitzek Abby hunkitzen dute, bere barkamena lortuz.

Amaieran, Tedek bere alabei barkamena eskatzen die, beti bere nahiak betetzera behartu izanagatik. Familia zoriontsu bat dira behingoz.

Urtebe beranduago, Abby eta Harper konprometiturik daude, Jane idazle famatu batean bilakatu da eta Tedek elekzioak irabazi ditu.

Aktoreak

aldatu
 
Kristen Stewart
 
Mackenzie Davis

Produkzioa

aldatu

2018ko apirilean, TriStar Picturesek Happiest Season filma mundu osoan banatzeko eskubideak eskuratu zituen.[2] Clea DuVall eta Mary Hollandek idatzitako gidoi batetik abiatuz, DuVallek berak zuzendutako eta Marty Bow eta Isaac Klausnerrek ekoiztutako filma izan da. Temple Hill Productionsen eskutik, Entreinament One erakundearen finantzaketa eta Entreinament One eta Sony Picturesen banaketarekin eraman da luzemetrail hau aurrera. [3] DuVallek esan zuen "zentzu askotan, film hau autobiografikoa da", eta filma idatzi zuen pantailan bere esperientzia propioak islaturik ikusteko.[4]

2018ko azaroan, Kristen Stewartek filmeko protagonista izateko sinatu zuen, [5] eta Mackenzie Davis 2019ko urtarrilean zerrendara batu zen. [6] Gainerako aktoreen taldea 2020ko urtarrilean osatu zen, Mary Steenburgen, Victor Garber, Alison Brie, Aubrey Plaza eta Dan Levy sartu zirenean. [7]

Grabazioa 2020ko urtarrilaren 21ean hasi zen Pittsburghen, eta 2020ko otsailaren 28an amaitu zen COVID-19ko pandemiaren ondorioz zinema-industria gelditu baino lehentxeago. [8] [9] Aubrey Plazak 2020ko abenduan Stephen Colbertekin The Late Show-en egindako elkarrizketa batean esan zuen set-ean pertsona ugarik, Kristen Stewartek barne, Covid-19agatik positibo eman zutela filmazioaren unean. [10]

Estreinaldia

aldatu

Huluk 2020ko azaroaren 25ean filma digitalki estreinatu zuen Estatu Batuetan. [11] Hasieran 2020ko azaroaren 20an zineman estreinatzeko aurreikusita zegoen, eta gero azaroaren 25erako programatu zen, Huluk COVID-19aren pandemiaren ondorioz erosi baino lehenago. [12] [13] Samba Tv-ek kalkuta zuenez, 416.680 estatubatuar etxek ikusi zuten filma estreinaldiaren lehenengo asteburuan, Huluren historiako estrenaildirik onena izanez. [14]

Sony Pictures Releasing Internationalek filma oraindik nazioartean banatzen zuen, TriStar Pictures etiketarekin, Entertainment One Films Erresuma Batuan eta Kanadan banatzeaz arduratu zen bitartean. Filmaren soinu banda originala 2020ko azaroaren 6an estreinatu zuen Warner Recordsek eta Anne-Marie, Bebe Rexha, Shea Diamon, Sia, Brandy Clark, Carlie Hanson eta Tegan eta Sararen abestiak aurkezten ditu, besteak beste. [15]

Harrera

aldatu

Bildutako dirua

aldatu

2,1 milioi dolar bildu zituen filmak. [16]

Kritikak

aldatu

Rotten Tomatoes deituriko aipamenak eransteko web orrian filmak, 186 aipamenetan oinarriturik, %83ko aprobazio indizea dauka, 6.8/10ko batez besteko kalifikazioarekin. Webguneko kritikarien adostasunak dio: “Momentu on bat ekintza zintzoekin eta Gabonetako zoriontasun nahikoarekin, Gabonetarako nahi duzun guztia Happiest Season da”. [17] Metacriticen, 31 kritiketan oinarritua batez besteko puntuazio ponderatua 100etik 69koa da. [18]

Entertainment Weeklyeko Leah Greenblattek filmari B+ bat eman zion, eta horrela deskribitu zuen "komedia adimendun eta zintzoa da, eta haren akats txikiak erraz ezabatzen dira, xarma handiagoekin". [19] Chicago Tribune egunkarirako kritika sortzeko garaian, Michael Philipsek 4tik 3 izarrekin baloratu zuen filma eta gehienetan sekretu baten inguruan jorratzen diren pelikulen oso aldekoa ez den arren, “Kasu honetan funtzionatzen duen zerbait da. Zuzenki eraikia dago. Gainera pertsonaiak errealak dirudite, edo gutxienez errealitate horretatik gertu kokatzen dira” esan zuen. [20]

Sari eta izendapenak

aldatu
Saria Urtea Kategoria Emaitza Erreferentziak
GLAAD Media Awards 2021 Banaketa zabalerako estreinatutako LGBT komunitatearekin lotutako film onena. Izendatua [21]

Soinu-Banda

aldatu
  1. "Candy Cane Lane" - Sia
  2. "Jingle Bells" - BAYLI
  3. "Jolly Old Saint Nicholas" - Caveboy
  4. "Christmas Moon" - Lucie Silvas
  5. "Nothing Rhymes With Christmas" - Ana Gastyer
  6. "Jingle Bells" - Tradizionala
  7. "Up on the Housetop" - Tradizionala
  8. "Angels We Have Heard On High" - Ken Halford eta Christian Hutton
  9. "Only Time of Year" - Brandy Clark
  10. "O Little Town of Bethlehem" - Mike Strickland
  11. "We Wish You a Merry Christmas and All That Jazz" - Jason Farnham
  12. "Jazzy Jingle" - Michael Mandel
  13. "Bringing Christmas Home" - Teresa James
  14. "Blame it on Christmas" - Bebe Rexha eta Shea Diamond
  15. "Must be Santa" - Hal Moore eta Bill Friedrichs
  16. "Remember" - Brian Page
  17. "GVO (Good Vibes Only)" - Tyler Shamy
  18. "Silent Night" - Tradizionala
  19. "Jolly Old Saint Nicholas" - John Swanson
  20. "My Favorite Time of Year" - Mike Goudreau
  21. "O Christmas Tree" - Patrick Tuzzolino
  22. "My Shortlist for Christmas (Is You)" - Pajamaramas
  23. "O Holy Night" - Tradizionala
  24. "Deck the Halls" - Tradizionala
  25. "Think of Christmas" - Anne-Marie
  26. "Make You Mine This Season" - Tegan eta Sara

Jarraipen posiblea

aldatu

2020ko abenduan DuVallek “Filmaren jarraipen bat egitea asko gustatuko litzaidake. Hau da, ideia pare bat ditudala esan daiteke. Oso momentu onak pasa genituen filma egiterako garaian eta bertan jarraipenaren aukera komentatu genuen. Baina aldi berean, nork jakingo zuen ikusleei pelikula atsegina egingo zitzaien ala ez? Beraz, bigarren zatia egiteko oso prest nago” esan zuen. [22]

Erreferentziak

aldatu
  1. ↑ (Gaztelaniaz) La estación de la felicidad (2020). (Noiz kontsultatua: 2021-03-03).
  2. ↑ (Ingelesez) N'Duka, Amanda; N'Duka, Amanda. (2018-04-21). «TriStar To Distribute ‘Happiest Season’ Comedy From Clea DuVall & Mary Holland» Deadline (Noiz kontsultatua: 2021-03-02).
  3. ↑ (Ingelesez) McNary, Dave; McNary, Dave. (2019-05-16). «Film News Roundup: Kristen Stewart Rom-Com ‘Happiest Season’ Backed by Entertainment One» Variety (Noiz kontsultatua: 2021-03-03).
  4. ↑ (Ingelesez) «'Happiest Season' Director Made LGBT Holiday Rom-Com Because 'I've Never Seen My Experience Represented'» TheWrap 2020-11-26 (Noiz kontsultatua: 2021-03-02).
  5. ↑ (Ingelesez) Kroll, Justin; Kroll, Justin. (2018-11-27). «Kristen Stewart to Star in TriStar’s ‘Happiest Season’ (EXCLUSIVE)» Variety (Noiz kontsultatua: 2021-03-02).
  6. ↑ (Ingelesez) McNary, Dave; McNary, Dave. (2019-01-25). «Mackenzie Davis Joins Kristen Stewart in Romantic Comedy ‘Happiest Season’» Variety (Noiz kontsultatua: 2021-03-02).
  7. ↑ (Ingelesez) D'Alessandro, Anthony; D'Alessandro, Anthony. (2020-01-22). «‘Happiest Season’: Mary Steenburgen, Victor Garber, Aubrey Plaza, Alison Brie, Dan Levy & More Round Out TriStar Comedy» Deadline (Noiz kontsultatua: 2021-03-02).
  8. ↑ (Ingelesez) Casting, Project. (2020-02-25). «Kristen Stewart's 'Happiest Season' Movie Casting Call | TriStar Pictures Casting Call» Project Casting (Noiz kontsultatua: 2021-03-03).
  9. ↑ (Ingelesez) «Kristen Stewart film 'Happiest Season' to shoot in Pittsburgh later this month» Pittsburgh Post-Gazette (Noiz kontsultatua: 2021-03-03).
  10. ↑ «Aubrey Plaza Reveals Kristen Stewart Had Coronavirus While Filming Happiest Season In February» E! Online Mon Dec 07 17:21:00 GMT+0 2020 (Noiz kontsultatua: 2021-03-03).
  11. ↑ (Ingelesez) Donnelly, Matt; Donnelly, Matt. (2020-10-20). «Sony’s Rom-Com ‘Happiest Season’ Skips U.S. Theaters for Hulu Debut» Variety (Noiz kontsultatua: 2021-03-03).
  12. ↑ (Ingelesez) Stewart, John. (2019-05-15). «Kristen Stewart's 'Happiest Season' Sets November Release» Slanted (Noiz kontsultatua: 2021-03-03).
  13. ↑ (Ingelesez) «Tom Holland's 'Uncharted' Moves Back 3 Months to 2021» The Hollywood Reporter 2020-01-24 (Noiz kontsultatua: 2021-03-03).
  14. ↑ (Ingelesez) D'Alessandro, Anthony; D'Alessandro, Anthony. (2021-03-02). «Hulu’s ‘The United States Vs. Billie Holiday’ Tops Streamer’s Weekend Movies Amid Star Andra Day’s Golden Globes Win» Deadline (Noiz kontsultatua: 2021-03-03).
  15. ↑ (Ingelesez) Happiest Season (Music from and Inspired by the Film) by Various Artists. (Noiz kontsultatua: 2021-03-03).
  16. ↑ «Happiest Season» Box Office Mojo (Noiz kontsultatua: 2021-03-03).
  17. ↑ (Ingelesez) Happiest Season (2020). (Noiz kontsultatua: 2021-03-03).
  18. ↑ Happiest Season. (Noiz kontsultatua: 2021-03-03).
  19. ↑ (Ingelesez) «Christmas gets the lesbian romance it deserves in Hulu charmer 'Happiest Season'» EW.com (Noiz kontsultatua: 2021-03-03).
  20. ↑ Phillips, Michael. «‘Happiest Season’ review: a holiday romance, in and out of the closet, with Kristen Stewart» chicagotribune.com (Noiz kontsultatua: 2021-03-03).
  21. ↑ Txantiloi:Es-US Facebook; Twitter; options, Show more sharing; Facebook; Twitter; Email; URLCopied!, Copy Link; Print. (2021-01-28). «'Happiest Season', 'Ma Rainey', 'Vida' y Elmo obtienen nominaciones a los premios GLAAD Media» Los Angeles Times en Español (Noiz kontsultatua: 2021-03-03).
  22. ↑ (Ingelesez) Aurthur, Kate; Aurthur, Kate. (2020-12-01). «‘Happiest Season’ Director Clea DuVall on the Film’s Historic Success, Sequel Hopes, and Aubrey Plaza: ‘She’s a Babe!’ (EXCLUSIVE)» Variety (Noiz kontsultatua: 2021-03-03).

Kanpo estekak

aldatu
"https://eu.wikipedia.org/w/index.php?title=Happiest_Season_(filma)&oldid=8573035"(e)tik eskuratuta