Hamm

Hamm Alemaniako Ipar Renania-Westfalia estatuan dagoen hiri bat da. Ruhr eskualdearen ekialdean dago, Dortmund udalerritik hurbil. 2010ean 181.783 biztanle zituen.

Etimologia

Ham hitzak "izkina" esan nahi du aleman zaharrean, izan ere Lippe ibaiak eta Ahse errekak bat egiten duten izkinan baitago hiria. Garai batean thom Hamme izena izan bide zuen, baina azkenik gaur egungo Hamme-ra eraldatu da.

Historia

Hamm hiria 1226ean Adolfo I.ak Markeko kondeak sortu zuen, ondoren Mark konderriko hiriburua ian zelarik. 1262an hiri titulua jaso zuen. 1469an Hansa Ligako kide bilakatu zen. Garai hartan inguruko herri garrantzitsuenetakoa zen, gaur egungo Ruhr-eko hiriak herrixkak baino ez baitziren.

1933an Datteln-Hamm Canal ubidea bukatu zuten, izenean aipaturiko bi hiriak lotzen zituena. Bigarren Mundu Gerrako bonbaketek hiriaren %60a suntsitu zuten, tartean eraikin historiko gehienak. 1974ean Bockum-Hövel eta Heessen udalerriak anexionatu zituen.

Datteln-Hamm Canal

Datteln eta Hamm elkartzen dituen ubidea da. Hamm hirian bertan hiru kai daude, ubideetako kaien artean Alemaniako bigarren kai handiena osatzen dutelarik. Itsasontziek urtero 1'4 milioi tona material mugitzen dute Hammen. 47'2 kilometrotako luzera du eta 6'8 metrotako desnibela.

Hiri senidetuak

Koblentza ondorengo hiriekin senidetuta dago:

Neufchâteau (Vosges) (Frantzia) (1967) Santa Monica (California) (AEB) (1969) Shipley (West Yorkshire) (Erresuma Batua) (1976) Chattanooga (Tennessee) (AEB) (1977) Mazatlán (Mexiko) (1978)

Toul (Frantzia) (1987) Oranienburg (Alemania) (1990) Kalisz (Polonia) (1991) Afyonkarahisar (Turkia) (2006)

Demografia

Grafiko hau ezin da une honetan ikusi, software arazo bat dela eta. Lanean ari gara ahalik eta lasterren grafikoak berriro erakutsi ahal izateko.

.

Kanpo estekak

• Hammgo Udal webgunea (Alemanez)