Glasgowko Zientzia Museoa
Glasgowko Zientzia Museoa (ingelesez: Glasgow Science Centre) Eskoziako Glasgow hirian dagoen zientzia museoa da.
Glasgowko Zientzia Museoa | |
---|---|
Kokapena | |
Estatu burujabe | Erresuma Batua |
Herrialdea | Eskozia |
Eskoziako kontseilu gunea | Glasgow City |
Arkitektura | |
Deskribapena | |
Irekitze data | 2001 |
Webgunea | http://www.glasgowsciencecentre.org |
Historia
aldatuElisabet II.a Erresuma Batukoak inauguratu zuen museoa 2001eko ekainaren 5ean. Erresuma Batuan toki bisitatuenetakoa da. 2009an martxan jarri ziren Whitelee haize errotak ere berak kudeatzen ditu.
Egitura
aldatuHiru eraikin nagusi ditu museoak, hirurak ere titaniozko xaflaz estaliak:
Zientziaren parkea (Science Mall)
aldatuAlbo batera eroritako ontziaren kasko baten antza dauka eraikinak. Hiru solairu ditu barnean eta 250 zientzia erakusgaitik gora. Erakusgai hauek interaktiboak dira.
- Lehen solairuan: Zientziaren printzipioen demostrazioak izateaz gain antzoki bat eta planetarioa ere badaude. Haurrentzako The Big Explorer atala ere bertan dago.
- Bigarren solairuan: Zientzia karrerak aztertu daitezke My World of Work Live erakusketa interaktiboaren bidez. Hezkuntza taldeentzako laborategi bat ere badago.
- Hirugarren solairuan: BodyWorks erakusketak giza osasunaren inguruko aferak azaltzen ditu, gorputza ezagupena, biziera egokia...
Glawgowko dorrea (Glasgow Tower)
aldatuSolairuak bere kasa mugitzen diren munduko dorrerik garaiena izateko sortu zen baina arazo ugari eman ditu eta inauguratu zenetik egunen %80an itxita egon da konponketa direla eta. 2014ko uztailean ireki zuten berriz. 127 metrotako garaiera dauka.
IMAX zinema
aldatuEskoziak eraiki zen lehen IMAX zinema izan zen. Zientzia Museoa inauguratu baino lehenago ireki zen, 2000 urtean, eta 370 besaulkitako aretoan 3D filmak ikus daitezke.
Iruditegia
aldatu-
Ikuspegi orokorra.
-
Glasgowko dorrea.
Kanpo estekak
aldatu- Glasgowko Zientzia Museoaren webgune ofiziala (Ingelesez)