Fukushima Masanori

Fukushima Masanori (japonieraz: 福島正則, 1561 – 1624ko abuztuaren 26a) Japoniako historiako Sengoku aroaren amaiera eta Edo aroaren hasiera arteko samurai eta daimyō japoniarra izan zen. Toyotomi Hideyoshiren zerbitzarietako bat izan zen eta 1583ko Shizugatakeko guduan borrokatu zuen, non Shizugatakeko zazpi lantzetako bat bezala ezagutua izan zen.

Fukushima Masanori
Irudi gehiago
Daimyō
Bizitza
Jaiotza	Futatsudera (en) , 1561
Herrialdea	Japonia
Bizilekua	Masanori Fukushima Mansion Ruins (en)
Heriotza	Takayama (en) , 1624ko abuztuaren 26a (62/63 urte)
Hobiratze lekua	Ganshō-in (en)
Heriotza modua	berezko heriotza: eritasuna
Familia
Aita	Fukushima Masanobu
Ama	Q106650832
Ezkontidea(k)	Q108747061 Shosen'in (en)  (1604 -
Seme-alabak	ikusi Fukushima Tadakatsu (en) Fukushima Masatoshi (en) Q109833074
Anai-arrebak	ikusi Q11593772
Familia	ikusi Fukushima Masayuki (en) (adopted son (en) )
Leinua	Q11593161
Jarduerak
Jarduerak	Samuraia
Gradua	jeneral

Jatorria

Masanori Owari probintzian jaio zen, eta Fukushima Masanoburen semea zen. Gudu batean, lehen aldiz, Mikiko setioan parte hartu zuen, Harima probintzian, jarraian, Yamasakiko guduan parte hartu zuelarik, eta, gudu honen ondoren, 500 kokuko sari bat eman zioten.

Errekonozimendua "Shizugatakeko Zazpi lantzetako" bat bezala

1583an gertatu zen Shizugatakeko guduan (Azuchi-Momoyama aroaren zati bat), Masanorik, jeneral etsai baten lehen burua mozteko ohorea izan zuen (Osagato Ieyoshirena zehazki), eta, beraz, bere 500 kokuko saria, 5.000ra igo zitzaion, beste seiek, 3.000 kokuko saria jaso zuten bitartean.

Kanpainak Korean

Masanorik, Hideyoshiren kanpaina askotan parte hartu zuen, baina Kyushura eginiko espediziora arte ez zen daimyo bihurtu, Iyo probintzian 110.000 kokuko han bat jaso zuenean. Handik gutxira, Korearen inbasioetan parte hartu zuen, non, handik gutxira, sariak jaso zituen Ch'ungjuko guduan izan zuen parte hartzeagatik.

Ondorengo urteak

Korearen inbasioan parte hartu ondoren, Masanorik, Toyotomi Hidetsuguren exekuzioa bultzatu zuen. 10.000 soldadu zuzendu zituen 1595ean Seigan Tenplua eta Koya mendirantz, eta Hidetsuguk seppuku egin arte zain geratu zen, eta, beraz, 90.000 kokuko gehikuntza jaso zuen bere sarian, Kiyosun Hidetsugurena izan zen hanaz gain, Owari probintzian.

Masanori, Tokugawa Ieyasuren armadara batu zen Sekigaharako guduan, honela, bere lurraldeen domeinua ziurtatu zuelarik, hauek, beranduago, bere ondorengoek galduko zituztelarik Tokugawa shogunerriaren zerbitzura zeuden hatamoto bihurtzean.

Wikimedia Commonsen badira fitxategi gehiago, gai hau dutenak: Fukushima Masanori

• Datuak: Q1194995
• Multimedia: Fukushima Masanori / Q1194995