Ezkerraberri (aldizkaria)

Ezkerraberri Ezkerraberri Fundazioak argitaratutako aldizkaria nolabait Aralar alderdi politikoaren agerkari modukoa izan zen. Edukiak euskaraz zein gaztelaniaz publikatzen ziren eta oso ez-ohizkoa zen artikulu beraren bi hizkuntzetako bertsioak argitaratzea. Beste hizkuntzan laburpenak egiten ziren, baina ez beti.

Ezkerraberri (aldizkaria)
Mota	aldizkari
Fitxa teknikoa
Hizkuntza	euskara

Historia

Ezkerraberri aldizkariaren lehen alea 2011ko abenduan publikatu zen eta bere azalean abertzale eta ezkertiarren aldizkari moduan definitzen zuen bere burua.

Ezkerraberri aldizkariaren lehen alearen azala

Fundazioak izanik ere argitalpenaren ardura, neurri handi batean alderdiaren bozgorailua izan zen, nahiz eta artikuluaren sinadurei erreparatuta aldizkariaren eduki ideologikoak Aralarren muga politikoak gainditzen zituzten maiz. Ezkerraberri aldizkariak ezker ikuspegien zabaltasuna bere orrialdeetan islatzen kontzienteki saiatu zen.

Lehen aleak hurrengoen patroia ezarri zuen. Gai monografiko bat 8-12 orrialdeetan zehar tratatzen zen ale bakoitzean. Lehen aleak Bake bidean zuen izenburua gatazka armatuaren bukaera ardatz. 2015tik aurrera ale batzuk 8 orrialdeko langa hori gainditu zuten eta 12 orrialdetik gorakoak izan zituztenak ez dira bakanak.

Lehen alean Patxi Zabaleta (Aralarreko koordinatzailea), Rebeka Ubera (Aralarreko Antolaketa Idazkaria), Dani Maeztu (Eusko legebiltzarkidea), Aser Lertxundi (Gipuzkoako antolaketa-arduraduna) eta Asier Iturriagaetxeberria (Aralarren komunikazio-arduraduna) ageri dira aldizkariaren erredakzio-kontseiluko kide moduan. Geroago Begoña Rodriguez eta Inaki Irazabalbeitia ere ageri dira talde horretan.

Aldizkariak ez zuen maiztasun jakinik izan. Lehen urtean ia hilero ale bat argitaratu zen, azken urteetan bi hilez behingo maiztasuna izan zuen.

Aleak 45.eraino zenbakituak daude, baina 42. zenbakiko alerik ez zen publikatu zenbakitze-akatsa medio. Halaber, zenbakirik gabeko 3 ale berezi publikatu ziren.

Atzen aleak 2017ko azaroa-abenduko data eta Zibil eta Zabal izenburua ditu. Nagusiki Aralarren VII. Kongresuaren kontakizuna egiten du eta 20 orrialdeko luzera du.

Aleak Ezkerraberriren webguean eta Issuu biltegian kontsulta daitezke.

Aleak banan-bana

Alea	Data	Gaia	Orrialde-kopurua
1	2011eko abendua	Bake bidean	8
2	2011eko abendua	Krisia	12
3	2012ko urtarrila	Fiskalitatea	12
4	2012ko otsaila	Finantza sistema	12
5	2012ko martxoa	Subiranotasuna	12
6	2012ko apirila	Genero oreka	12
7	2012ko maiatza	Proposamen sozioekonomikoa	12
8	2012ko uztaila	Burujabetza elikaduran	12
9	2012ko abuztua	Erreskateraren atarian… iruzurrak	12
10	2012ko iraila	Mamoria	12
Berezia	2012ko urria	Hauteskundeak 2012	12
11	2012ko azaroa	Eusko Legebiltzarreko hauteskundeen emaitzak	12
13	2013 urtarrila	Ekonomia	12
15	2013 matxoa	Osasuna eta hezkuntza	12
16	2013ko uztaila	Helburua: instituzio irekiak	8
17	2013ko uztaiala	European Free Alliance	8
Berezia	2013ko iraila	Erabakitzeko eskubidea geure ADNn	8
18	2013ko urria	Udalbiltza	12
19	2013ko abendua	Desobedientzia zibila	12
20	2014ko urtarrila	Frankismoa epaitegira	20
21	2014ko apirila	Burujabetza energetikoa	12
22	2014ko iraila	Ezkerra munduan	12
23	2014ko azaroa	TTIP	12
24	2014ko abendua	Munduko gatazkak	12
25	2015eko otsaila	Euskaraz bizi nahi dut	16
26	2015eko apirila	Ezkerraren erronkak	12
27	2015eko maiatza	Espainiako estaturik gabeko herriak	12
Berezia	2015eko maiatza	Hauteskundeetako datu bilketa	28
28	2015eko ekaina	Gazteak gaur	12
29	2015eko abuztua	Ipar Euskal Herriaren erakundetze instituzionala	12
30	2015eko urria	Migratzaileak eta Europa	16
31	2015eko abendua	Herritarren parte hartzea eta ahalduntzea	12
32	2016ko urtarrila	Aldaketa klimateko eta Parisko goi-bilera	16
33	2016ko martxoa	Askatasunen urraketa	16
34	2016ko apirila	Independentzia nola eta nondik?	20
35	2016ko ekaina	Energiaren erronka eta Kolonbiako bake-prozesua	16
36	2016ko uztaila	Las claves de Oriente Medio	12
37	2016ko urria	Entre elecciones y balances	24
38	2016ko abendua	Etorri berrien euskalduntzea dugu desafioa	24
39	2017ko urtarrila	Kirolari agur, bizitza aktiboari ongi etorri	16
40	2017ko martxoa/apirila	Bigarren mailako errefuxiatuak	24
41	2017ko maiatza	Gizarte politikak	16
43	2017ko uztaila	Amatasun subrogatua	16
44	2017ko urria	Eskola eta hizkuntzak	16
45	2017ko azaroa/abendua	Zibil eta Zabala	20

Kanpo estekak

• Datuak: Q101423680
• Multimedia: Ezkerraberri / Q101423680