Euporia (satelitea)

Euporia (grekoa: Ευπορία), edo Jupiter XXXIV, Jupiter planetaren satelite natural irregular bat da.

Euporia (satelitea)
Euporie-discovery-CFHT-annotated.gif
Aurkikuntza
AurkitzaileaSheppard et. al.
Data2001-12-11
Kategoriamoon of Jupiter (en) Itzuli
Ezaugarri orbitalak
Zeren sateliteJupiter
Ardatzerdi handia19.088.450 km
Eszentrikotasuna0,0960108
Orbita-periodoa538,78 egun
Makurdura orbitala144,69417° (ekliptikarekiko)
Periastroa17.255.753
Ezaugarri fisikoak
Masa1,1 ×1013
Dentsitatea2,6 ×103
Grabitatea azalean≈0 m/s2
Albedoa0,04
Tenperatura?
Itxurazko magnitudea23,1

Ezaugarri fisikoakAldatu

Euporia satelite txikia da (2 km inguruko diametroa du), eta erretrogradoa. Uste da 0,04ko albedoa duela, Jupiterren beste satelite batzuen antzera. Haren beste ezaugarri asko ezezagunak dira oraindik.

Anankeren taldeko satelitea da: 19.300.000 km eta 22.700.000 km arteko erradioarekin eta 150° inguruko inklinazioarekin Jupiter orbitatzen duten satelite erretrogrado irregularrak dira guztiak. Talde horretan sailkatutako sateliteak, jatorriz, asteroideak dira, Jupiterren grabitateak harrapatuak eta satelite bilakaraziak.

AurkikuntzaAldatu

Scott Sheppard-ek gidatutako Hawaiiko Unibertsitateko astronomo-talde batek aurkitu zuen, 2001eko abenduaren 11n hartutako irudiak aztertzean. Aurkikuntzaren berri 2002ko maiatzaren 16an eman zen, Jupiterren beste hamar sateliteren aurkikuntzaren berriarekin batera.

IzendapenaAldatu

Euporia satelite-izena mitologia grekoko Euporia pertsonaian du jatorria; Euporia horetako bat zen, Zeusen eta Temisen alaba.

Hasieran, S/2001 J 10 izendapen sistematikoa eman zitzaion sateliteari; kode horrek adierazten du 2001ean lehen aldiz ikusitako Jupiterren hamargarren satelitea zela. Euporia behin betiko izena 2003ko abuztuaren 8an eman zitzaion, Jupiterren beste hamar sateliterekin batera.

Kanpo estekakAldatu