Esperanza Zambrano
| Esperanza Zambrano | |
|---|---|
 | |
| Bizitza | |
| Jaiotzako izen-deiturak | María Esperanza Dolores Zambrano Sánchez |
| Jaiotza | Dolores Hidalgo udalerria, 1901eko azaroaren 14a |
| Herrialdea |  Mexiko |
| Heriotza | Mexiko Hiria, 1992ko ekainaren 4a (90 urte) |
| Hobiratze lekua | Spanish Cemetery (en)  |
| Jarduerak | |
| Jarduerak | poeta eta idazlea |
Esperanza Zambrano (Guanajuato, 1901eko azaroaren 14a – Mexiko Hiria, 1992ko ekainaren 4a) mexikar poeta izan zen.
Ibilbidea aldatu
Esperanzak argitalpen mugatuetan ezagutarazi zuen bere lehen poesia-lan laburra. Bere lan osoan jatorri modernistako baliabideak erabiltzen ditu, hala nola bertso alexandriarra, sonoritatearen bilaketa, sentsualitate dekadentista eta forma estrofikoetako esperimentazioa; gainera, adjetibatzeko duen moduak López Velarderena gogorarazten du.
La inquietud joyante, bere lehen liburua, sorpresa bat izan zen Mexikoko poesiaren panoraman; izan ere, emakume batek ez zituen inoiz bere intimitatea eta maitasun-desioak zuzenean aipatu ordura arte. Estilo hori hurrengo liburuan ere jarraitu zuen: Los ritmos de los secretos izenekoan baina intimitate-sentimendua are gehiago nabarmenduz. Canciones del amor perfecto saioan, haren lirikak goretsi egiten ditu ezkontza-maitasuna eta amatasunak eragiten duen zoriona. Retablos del viejo Guanajuato lanarekin herri-poesia eta eskualde-poesia lantzen ditu; Fuga de estío lanean berriz, poesia intimistara itzultzen da, baina zahartzaroaren eta desamodioaren aurreko lasaitasun- eta etsipen-kutsuarekin.[1]
OEAko Emakumeen Amerikarteko Batzordeko Elkarte Panamerikarreko eta Argitalpenetako aholkulari eta zuzendaria izan zen.[2]
Argitalpenak aldatu
- La inquietud joyante.
- Los ritmos de los secretos.
- Canciones del amor perfecto.
- Retablos del viejo Guanajuato
- Fuga de estío
Merezimenduak aldatu
- Palmas Akademikoak 1945 saria Frantzian.
- 1946ko Aintzatespen Domina Frantzian.
- Dominikar Errepublikako Juan Pablo Duarte Kondekorazioa
- Guanajuatoko Gobernuaren Merezimenduaren Domina 1963
Erreferentziak aldatu
Kanpo estekak aldatu
Datuak: Q22893668
Multimedia: Esperanza Zambrano / Q22893668
