Ireki menu nagusia

Erredukzionismoa elementu edo fenomeno konplexuak atal sinpleagoetara erreduzitzen dituen ikuspuntu filosofikoa da. Hiru motatako erredukzionismoa dago, zenbaiten arabera:

  • Erredukzionismo ontologikoa: errealitate osoa atal gutxi batzuen konbinazioz osatuta dagoela uste duena.
  • Erredukzionismo metodologikoa: hurbilketa zientifikoa, elementu guztiak entitate txikiagoen eta sinpleagoen bidez azaltzeko joera duena.
  • Erredukzionismo teorikoa: teoria berri batek teoria zaharragoak ez dituela ordezten edo integratzen uste duena, baizik eta oinarrizkoagoak diren kontzeptuetara murrizten dituela.

Erredukzionismoa edozein fenomenori aplika dakioke, objektuei, azalpenei, teoriei eta esanahiei barne.[1]

Zientziari dagokionez, erredukzionismo metodologikoaren aplikazioak bilatzen du banakako atalen eta haien elkarrekintzen bitartez azaltzea sistema osoak. Adibidez, gas baten tenperatura azaltzeko, mugimenduan dauden molekulen energia zinetikoa besterik ez dela onartzen da. Zentzu horretan, nabarmena da, esaterako, fenomeno fisiologikoak eta biologikoak fisikaren eta kimikaren bidez azaltzeko joera.

ErreferentziakAldatu

  1. John Polkinghorne (2002) «Reductionism» Interdisciplinary Encyclopedia of Religion and Science (Advanced School for Interdisciplinary Research; Pontifical University of the Holy Cross).