Easo Abesbatza

EASO Abesbatza
Datuak
Egoitza	Donostia, Gipuzkoa
Zuzendaria	Xalba Rallo
Ahotsak	Gizonen abesbatza
Taldekideak	50 (TTBB)
Diskoetxeak	Emi, Naïve, Claves, Columbia, Hixpavox, Philips, Polydor
Urteak	1940-
Webgunea	www.coroeaso.com

Easo Abesbatza ahots grabeen abesbatza gisa sortu zen, Donostian, 1940. urtean, euskal herri-musika zabaltzeko xedez; gaur egun ohore handiko korua da Easo Abesbatza eta barnean hartzen ditu kantu koralaren mota askotako musika interpretatzen duten koru ezberdinak.

60 urteetan iraun du etenaldirik gabe, bere ezaugarri amateurra mantenduz eta, egun, erakunde sendotua da, aktibitate handia garatzen duelarik formazio musikalaren eta koralaren alorrean.

Xalba Rallo da Easo Abesbatzaren zuzendari titularra.

Ibilbidea

Hasiera eman zion bere ibilbideari nazioarteko lehiaketa garrantzitsuetan parte hartuz: Llangollen (Britainia Handia), Lille (Frantzia), Arezzo (Italia) birritan, guzti hauetan lehenengo saria irabaziz. Ohorezko sari ugari lortu ditu hasiera arrakastatsu horiei esker. Beharrezko abestiez gain, euren abestian Hator, hator zegoen. Arezzon, gainera, Italian, lehiaketa bat antolatu zuten hamar urteetako irabazleekin, eta hura ere irabazi zuten. Munduko leku akotan agertu da: Madrileko Errege Antzokia, Bartzelonako Palaua, Parisko Pleyel Aretoa, Municheko Herkulessaal, Monakoko Errege Jauregia, Bruselako Errege Antzokia, Buenos Aireseko Colón Antzokia, Mexikoko Arte Ederren Jauregia, Bartlesville auditorium (USA), Berlineko Philharmonie, San Petersburgoko Aleksandrinski Antzokia eta Hermitage eta abar.

Hainbat orkestrekin aritu izan da lankidetzan, horien artean daude Espainiako Nazionala, Frantziako Nazionala, Londresko Filarmonika, Portugaleko Gulbenkian, Buenos Aireseko Filarmonika, Lyoneko Nazionala, Bordeleko Nazionala, Radio Televisión Española, Parisko Opera Nazionala, Okzitaniako Tolosako Kopitolioa, I Solisti (New York), Galiziako Sinfonikoa eta Euskadiko Sinfonikoa.

Hainbat bakarlarirekin ere jardun izan da, besteak beste, Aldo Baldin, Christa Ludwig, Thomas Moser, Rockwell Blake, William Matteuzi, Elena Prokina, Aquiles Machado, Alexandru Agache, Simoine Alaimo, Martine Dupuy, Albert Dohmen, Eva Johanson, Galina Gorbatxova, Andreas Schimdt, Wolfgang Schimdt eta Dolora Zajick.

Un Superviviente en Varsovia, Espainiako Orkestra Nazionalarekin, Kursaalean. Zuzendaria: Josep Pons.

Igor Stravinski, Serge Baudo, Sylvain Cambreling, Marek Janowski, Kurt Wöss, Bruno Campanella, Ransom Wilson, David Parry, Leopold Hager, Jesús López Cobos, Josep Pons, Arturo Tamayo, Juan Jose Mena, Victor Pablo Perez, Günter Neuhold eta Tugan Sokhiev izan ditu zuzendari, besteak beste.

30 grabaketa baino gehiago egin ditu, Emi, Naïve, Claves, Columbia, Hixpavox, Philips, Polydor etxeekin.

Kanpo estekak

• Abesbatzaren webgunea.

• Datuak: Q5322527