Connopus acervatus

Connopus acervatus Marasmiaceae familiako onddo espezie bat da.

Connopus acervatus
Sailkapen zientifikoa
Erreinua	Fungi
Klasea	Agaricomycetes
Ordena	Agaricales
Familia	Marasmiaceae
Generoa	Connopus
Espeziea	Connopus acervatus K. Woodbury Hughes, D. A. Mather & R. H. Petersen, 2010

Sinonimoak: Marasmius acervatus, Collybia acervata.

Deskribapena

Kapela: 2 eta 7 cm bitarteko diametrokoa, hasieran kanpai itxurako ganbila eta gero laua. Biluzia, zimurtsua eta higrofanoa eta gorrixka kolorekoa da, eguraldi hezean ilundu egiten da eta lehorrarekin zurbildu.

Orriak: Libreak, meheak eta estu, hasieran zurixkak eta gero horixka samarrak eta arrosa kolorekoak.

Orri libreak: Oinera hurbiltzen diren orriak baina ukitzen ez diotenak.

Hanka: Zaila, luzea eta fistulosoa, marroi-purpura distiratsu kolorekoa, zurbilagoa goialdean eta oinarria iletxo zuriz estalia.

Haragia: Mehea, zurixka edo pixka bat arrosakara, usain nabarmenik gabea eta zapore gozokoa.

Etimologia: Collybia antzinako grekotik dator, eta txanpona esan nahi du. Perretxikoaren formagatik. Acervata epitetoa latinetik dator, soropildua esan nahi duen “acervatus” hitzetik. Soropildua hazten delako.

Jangarritasuna

Ez du interes gastronomikorik.

Nahasketa arriskua

Collybia dryophila delakoak badu antza, baina honek kolore ilunagoa du, koloretako oina eta soropildua hazten da, ez bakarka edo taldeetan. Collybia edo Marasmius bresadolae ia berdina da, baina isolatuta edo taldeetan hazten da, ez soropildua.

Sasoia eta lekua

Udaberritik udazkenera. Enborren oinarrian, normalean hainbat aleko sortak sortuz; baita egur hiletan eta eroritako adar eta orbeletan.

Banaketa eremua

Kanada, Alaska, Ameriketako Estatu Batuak, Mexiko, Europa, Errusia, Himalaiako eremua, Japonia, Australia, Kongoko Errepublika Demokratikoa.

Kanpo estekak

• Datuak: Q55673329