Christine Blasey Ford
Christine Margaret Blasey Ford (1966ko azaroa) [1] psikologo estatubatuarra da, Psikologia irakasten du Palo Alto Unibertsitatean, eta Psikologiako ikertzaile moduan egiten du lan Stanford Unibertsitateko Medikuntza Eskolan. Diseinatzen ditu modelo estatistikoak, ikerkuntza proiektuetarako. [2]
| Christine Blasey Ford | |
|---|---|
 | |
| Bizitza | |
| Jaiotzako izen-deiturak | Christine Margaret Blasey |
| Jaiotza | 1966ko azaroa (57 urte) |
| Herrialdea |  Ameriketako Estatu Batuak |
| Hezkuntza | |
| Heziketa | Pepperdine University (en)  Master of Psychology (en) Ipar Carolinako Chapel Hilleko Unibertsitatea 1988) Artean graduatu Holton-Arms School (en) 1984) Hegoaldeko Kaliforniako Unibertsitatea (1991ko iraila - 1996ko abuztua) Doktoretza : psikologia Stanford Unibertsitatea (2007ko iraila - 2011ko maiatza) Master of Education (en) : epidemiologia |
| Tesi zuzendaria | Michael D. Newcomb (en) |
| Hizkuntzak | ingelesa |
| Jarduerak | |
| Jarduerak | professor of psychology (en) , idazlea, akademikoa, psikologoa eta unibertsitateko irakaslea |
Parte-hartzailea
| |
| Enplegatzailea(k) | Palo Alto University (en) Corcept Therapeutics (en) Stanford Unibertsitatea (1998ko apirila - |
  | |
2018ko irailean Ford-ek publiko egin zuen 1982ko udan Brett Kavanaugh AEBetako Auzitegi Gorenerako magistratu izateko izendatutako hautagaiak sexu-abusuak egin zizkiola Bethesdan, Maryland estatuan, biak nerabeak zirela eta institutu berean zihardutela ikasten.
Hil horren baukaeran lekukotasuna egin zuen Senatuko Batzorde Judizialean, Kavanaugh-ren izendapena zela-eta antolatua, eta bertan esan zuen, AEBetako eta beste herrialde batzuetako telebistak zuzenean transmititzen ari zirela, “%100” ziur zegoela sexu-abusuak egin zizkiona Kavanaugh izan zela. [3]
Ford-en eta Kavanaugh-ren lekukotasunek —azken horrek ukatu egin zituen Ford doktorearen akusazioak— eztabaida publikoa piztu zuten AEBetan. Botoa eman aurretik, Kavanaugh izendatu bai ala ez, Senatuak onartu zuen azken orduan FBI erakundeari eskatzea astebetean iker zitzala Ford doktorearen alegazioak.
Handik astebetera, FBIk eman zituen ikerkuntzaren ondorioak, baina kontuan izanda ikerkuntza oso mugatua izan zela, eta FBIk ez zituela lekuko printzipalen artean denak elkarrizketatu. Horrek ere areagotu egin zituen eztabaidak. [4]
Urriaren 6an Senatuak baieztatu egin zuen Kavanaugh-ren izendapena, 50-48ko emaitzarekin. Egun berean zinegin zuen kargua.
Christine Blasey Ford doktoreak, bestalde, denboraldi bat egin behar izan zuen bere etxera itzuli ezinik, heriotz-mehatxuak jasotzen ari zelako, bere abokatuek jakinarazi zutenez. [5]
Liburuak
aldatu- Kraemer, Helen Chmura; Blasey, Christine M. (2015). How Many Subjects?: Statistical Power Analysis in Research. Sage Publishing. ISBN 978-1483319544.
- Saxena, Kirti; Blasey, Christine (2004). "Research Methodology in Clinical Trials". In Steiner, Hans. Handbook of Mental Health Interventions in Children and Adolescents: An Integrated Developmental Approach. Jossey-Bass. ISBN 978-0787961541.
- Blasey, Christine; Belanoff, Joseph K.; DeBattista, Charles; Shatzberg, Alan F. (2013). "Adult Psychopharmacology". In Koocher, Gerald; Norcross, John C.; Greene, Beverly A. Psychologists' Desk Reference: Third Edition. Oxford University Press. ISBN 978-0199845491.
Erreferentziak
aldatu- ↑ (Ingelesez) Berzon, Alexandra; Gurman, Sadie; Elinson, Zusha. (2018-09-19). «Portrait of Kavanaugh Accuser Christine Blasey Ford: Thorough, Guarded, Accomplished Academic» Wall Street Journal ISSN 0099-9660. (Noiz kontsultatua: 2018-10-08).
- ↑ (Ingelesez) «Who is Christine Blasey Ford, the Palo Alto professor accusing Kavanaugh of sexual misconduct? - Palo Alto Daily Post» Palo Alto Daily Post 2018-09-16 (Noiz kontsultatua: 2018-10-08).
- ↑ (Ingelesez) «Professor Blasey Ford Testifies on Sexual Assault Allegations, Part 1» C-SPAN.org (Noiz kontsultatua: 2018-10-08).
- ↑ Vasca, EiTB Radio Televisión Pública. «302 pertsona atxilotu dituzte Washingtonen, Kavanaugh epailearen aurkako protestetan» www.eitb.eus (Noiz kontsultatua: 2018-10-08).
- ↑ (Ingelesez) «Christine Blasey Ford cannot return home to due "unending" death threats» Newsweek 2018-10-08 (Noiz kontsultatua: 2018-10-08).
Kanpo estekak
aldatu- Christine Blasey, doktorea. Palo Alto Unibertsitateko pertsonala.
- Christine Blasey Ford-en argitalpenak ResearchGate gunean
Datuak: Q56641729
Multimedia: Christine Blasey Ford / Q56641729
