Charlie Vickers

Charlie Vickers
	; Irudi gehiago
Bizitza
Jaiotza	Melbourne, 1992ko urriaren 10a (31 urte)
Herrialdea	Australia
Jarduerak
Jarduerak	aktorea

Charlie Vickers (Melbourne, Australia, 1992ko urriaren 24an) aktore australiarra da. Vickers batez ere ezaguna da Medici (2018) drama historikoan, Palm Beach filmean (2019) eta Prime Videoren Eraztunen jauna: Boterearen eraztunak (2022) fantasiazko telesainean jokatutako rolengatik.

Bizitza eta hezkuntza aldatu

Charlie Vickers Melbourneko St. Kilda barrutian jaio zen 1992an, baina Geelongen hazi zen (Victoria). Melbourneko RMIT Unibertsitatean arte-gradu baterako ikasi zuen, eta afizionatuen antzerkian parte hartu zuen, Stephen Sondheimen Sweeney Todd antzezlaneko epaile rola barne. Geroago, Erresuma Batuko antzerki eskola batean sartzeko probak egin zituen, Sydneyn.^[1]

Ikasketekin jarraitzeko, Vickers Londresera (Ingalaterra) joan zen, eta han Royal Central School of Speech and Drama eskolan sartu zen. 2017an graduatu zen.

Karrera aldatu

Vickersek 2018an egin zuen debuta, Guglielmo Pazzi pertsonaiarekin, Netflix-en Medici telesaileko zortzi ataletan. 2019an, Rachel Ward-ek zuzenduriko Palm Beachen^[2] filmean hartu zuen parte Danen rola jokatuz. 2020an, Douglas Ray-ren thriller-en filmean, Death in Shoreditch filmean agertu zen Vickers, Andrews izeneko baten rola jokatuz.

2022an, Vickersek Sauron^[3] pertsonaia ezagunaren rola jokatu zuen Tolkienen munduan inspiraturiko Eraztunen jauna: Boterearen eraztunak telesailean. Bigarren atalean agertu zen lehenbizikoz, Morfydd Clarkekin batera. Kontua da Vickersek Halbrand izeneko gizaki baten rola jokatzen duela, eta aktoreak hirugarren atala arte ez zuela jakin Halbrand hori benetan Sauron zela^[3]. Hasierako urpeko eszenek eskatzen zutena behar bezala prestatzeko Vickers bortz egunez ibili zen Tongariro Parke Nazionalean, Zeelanda Berrian, murgiltze librea ikasten^[4]. Vickers lasterkari gogotsua da. Zenbait triatloi eginak ditu, eta 5-10 km egin ohi ditu astean behin baino gehiagotan.^[4]

2022an ere bai, Holly Ringland-en The Lost Flowers of Alice Hart eleberriaren egokitzapen batean hartu zuen parte Vickersek.

Filmografia aldatu

Filmak aldatu

Urtea	Izenburua	Rola	Oharrak
2019	Palm Beach	Dan	filma
2020	Death in Shoreditch	Andrew	filma

Telebista aldatu

Urtea	Izenburua	Rola	Oharrak
2018	Medici	Guglielmo Pazzi	8 atal
2022	Eraztunen jauna: Boterearen eraztunak	Halbrand / Sauron	7 atal
2022	The Lost Flowers of Alice Hart	Clem Hart	1. atala