Cerodenero
Cerodenero Izaro Andres kantariaren bosgarren disko luzea da, Limones de oro kolaboraziozko bilduma kontutan hartuta[1].
| Cerodenero | |
|---|---|
| Izaro taldearen estudioko albuma | |
| Argitaratze data | 2023ko abenduaren 8 |
| Grabazioa | Gaztain Estudioak (Zestoa, Gipuzkoa) |
| Iraupena | 35'56" |
Musikariak aldatu
Honako musikari hauek hartu dute parte diskoan:[2]
- Izaro Andres (ahotsa)
- Iker Lauroba (gitarra)
- Julen Barandiaran (baxua)
- David Gorospe (bateria)
- Garazi Esnaola (teklatuak)
Grabaketa eta abestiak aldatu
Limones de oro bira luzearen ondoren atsedenaldia hartu zuen Izarok eta handik sorturiko disko kontzeptuala da Cerodenero. Mendi baten gisako ibilbidea egin du, lehenik gailurreraino igo, han goitik prespektibaz dena ikusi eta azkenik behera jaitsiz.
Gaztain Estudioetan grabatu ziren kantak eta egin ziren nahasketak, Zestoan[2]. Musikalki pop, folk eta musika elektronikoa elkartu ditu eta koreografiadun bideoklipak kaleratu zituen diskoaren aurrerapen gisa[3]. Diskoarekin batera 30 minutuko bideoklip luzea ere atera zuen, "bideoklipazo" deitu ziona. Bertan Cerodenero diskoko abesti guztiak jarraian ikusten dira ongi landuriko koreografia eta eszenografiarekin[4].
Bira aldatu
2024ko urtarrilaren 2an hasi zuen Bilboko Euskalduna jauregian[5] eta urtarrilaren 3 eta 4ean Donostiako Kursaal jauregian[6].
Azala aldatu
Izaroren aurpegiaren erdia ikusten da ile zurizko beroki batek erdi estalita. Barruko diseinuan zuria eta beltza nagusitzen dira, poloetako ekosistema irudikatu nahian.
Kantuen zerrenda aldatu
- Zero - 1:02
- Iparraldera - 3:57
- edzddh - 3:17
- Aguacero - 3:05
- X eta besteak - 3:12
- Campamento base - 2:28
- Ixildu mese - 1:23
- El mundo no es un buen lugar - 4:08
- Limoiondo - 3:08
- Udara, udara - 3:17
- Las llaves de tu casa - 2:53
- Todas las horas que quedan - 4:01
Erreferentziak aldatu
- ↑ «Izaro mallabitarrak lan berria eta bira iragarri ditu - Mallabia» Anboto.org (Noiz kontsultatua: 2024-01-04).
- ↑ a b (Gaztelaniaz) zaratamondosonoro. (2023-12-22). «Entrevista a Izaro por “Cerodenero” (2023)» MondoSonoro (Noiz kontsultatua: 2024-01-04).
- ↑ (Gaztelaniaz) Dic 8, Creado por elmundodetulsa |; Recomendados, 2023 | Discos; noticias | 0, Últimas. (2023-12-08). «Izaro - Cerodenero (2023) ¡Escucha su nuevo disco!» El Mundo de Tulsa | El mejor magazine de música indie (Noiz kontsultatua: 2024-01-04).
- ↑ CERODENERO BIDEOKLIPAZO. (Noiz kontsultatua: 2024-01-04).
- ↑ (Gaztelaniaz) «Palacio Euskalduna Jauregia Bilbao | Palacio de Congresos y de la Música» Euskalduna (Noiz kontsultatua: 2024-01-04).
- ↑ «IZARO- URT 3» Kursaal Donostia - San Sebastián (Noiz kontsultatua: 2024-01-04).
Kanpo estekak aldatu
Datuak: Q124127153
