Catherine M. Russell
Catherine Mary Russell (Jersey City, AEB, 1961eko martxoaren 4a) abokatu eta aholkulari politiko estatubatuarra da, 2022tik UNICEFeko 8. zuzendari exekutiboa da, Henrietta H. Fore ordeztuz.[1] Aurretik, Etxe Zuriko Langileen Bulegoko zuzendaria, Munduko Emakumeen Arazoetarako Estatu Batuetako enbaxadorea eta Jill Biden-en langileen buru izan da.[2]
| Catherine M. Russell | |||
|---|---|---|---|
 (2022) | |||
2022ko otsailaren 1a - | |||
| Bizitza | |||
| Jaiotza | Jersey City, 1961eko martxoaren 4a (63 urte) | ||
| Herrialdea |  Ameriketako Estatu Batuak | ||
| Familia | |||
| Ezkontidea(k) | Thomas E. Donilon (en)  | ||
| Hezkuntza | |||
| Heziketa | Boston College George Washington University (en) | ||
| Jarduerak | |||
| Jarduerak | diplomazialaria | ||
Parte-hartzailea
| |||
Biografia
aldatuJersey Cityn jaio eta Readingen hazi zen. Paul Russell eta Ann McCaffery ditu guraso. Boston College-n filosofian graduatu zen, magna cum laude eta George Washington Unibertsitateko Juris doktoretza jaso zuen.
Ibilbide politikoa
aldatuAlderdi demokratikoarentzat egin du lan. Lehenengo, 1984an, Walter Mondaleren lehendakaritza-kanpainaren alde, eta ondoren, 1987an, Joe Bidenen lehendakaritza-kanpainan.
2008ko lehendakaritza-kanpainan, Russell Jill Biden langile-buru gisa aritu zen eta kargu hori mantendu zuen 2013. urtera arte.
Munduko Emakumeen Arazoentzako Enbaxadore
aldatu.jpg)
2009an, Obamak Munduko Emakumeen Arazoentzako Enbaxadore kargua sortu zuen eta 2013an iraunkorra bihurtu zen, urte horretan Bidenek Russel izendatu zuen eta 2014an kargua hartu zuen.
Sei arlo lehenetsiko zituela esan zuen izendapenaren egunean: lehenik, generoa Estatuko Sailaren alderdi guztietan kontuan hartuko zela bermatzea; bigarrenik, emakumeen parte-hartze ekonomikoa sustatzea; hirugarrenik, Emakumearen, Bakearen eta Segurtasunaren gaineko Ekintza Plan Nazionala ezartzea; laugarrenik, indarkeria politikoa Internet bidez borrokatzea; bosgarrenik, parte-hartze politikoa sustatzea; eta, seigarrenik, neskato eta emakumeen osasun eta hezkuntza sustatzea.[3]
.jpg)
Ahalegin horretan, Neskak ahalduntzeko estrategia orokorra (2014) argitaratu zuen eta Estatu Departamentua, USAID, Bake Gorputza eta Milurtekoko Erronkaren Udalbatza helburu bera lortzera bideratu zituen.[4] Herrialde batek neskato nerabeen aldeko estrategia bat sortu zuen lehen aldia izanik. Russell-en gidaritzapean, Emakume Globalaren Gaietarako Bulegoak Kerry idazkariarekin lan egin zuen, 2016ko martxoan Afganistanen nerabeak ahalduntzeko programazioan 7 milioi dolar ziurtatzeko. Haren bulegoak, USAID eta UNICEFekin batera, hiru urteko programa bultzatu zuen, bost milioi dolarreko aurrekontuarekin, eskoletan genero indarkeria murrizteko.[4] Russellen lehentasunetako bat haurren ezkontza ezabatzea izan zen.[4]
Enbaxadore gisa, hamaika herrialde bisitatu zituen, besteak beste, Afganistan eta Kongoko Errepublika Demokratikoa. Russell-en lehenengo bidaia Balira izan zen, Asia eta Ozeano Bareko Ekonomia Elkarlana-ren jardunaldira.[5]
Biden-en administrazioa
aldatu2020ko irailaren 5ean, Biden-Harris Trantsizio Taldeko aholku-batzordeko kide gisa iragarri zen, Joe Bidenen lehendakaritzarako trantsizioa prestatzen ari baitzen.[6][7] 2020ko azaroaren 20an jakinarazi zen Russell Etxe Zuriko Langileen Lehendakaritzako Bulegoko zuzendaria izango zela Bidenek kargua hartu zuenean.[8]
UNICEFeko Zuzendari Exekutiboa
aldatu2022ko otsailaren 1ean Antonio Guterresek, Nazio Batuen Idazkari Nagusiak, UNICEFeko 8. zuzendari exekutibo izendatu zuen Russell,[9] Henrietta H. Fore ordeztuz. Zuzendari bezala 190 herrialdeetako bulegoak ditu bere kargupean.[10]
Erreferentziak
aldatu- ↑ Catherine Russell assumes functions as new UNICEF Executive Director. .
- ↑ Catherine M. Russell - U.S. Department of State biography
- ↑ «- NOMINATIONS OF THE 113TH CONGRESS» www.govinfo.gov.
- ↑ a b c STATEMENT OF HON. CATHERINE M. RUSSELL U.S.AMBASSADOR AT LARGE FOR GLOBAL WOMEN'S ISSUES U.S. DEPARTMENT OF STATE SENATE FOREIGN RELATIONS COMMITTEE. U.S. Senate Foreign Relations Committee September 14, 2016.
- ↑ (Ingelesez) Wheaton, Sarah. (2013-08-22). «A Question of How Women's Issues Will Fare, in Washington and Overseas» The New York Times ISSN 0362-4331..
- ↑ «Cindy McCain Joins Biden-Harris Transition Team's Advisory Board» President-Elect Joe Biden 28 September 2020.
- ↑ «Biden Transition Organization – Staff, Advisors» www.democracyinaction.us 9 November 2017.
- ↑ (Ingelesez) Fausset, Richard. (2020-11-20). «Transition Live Updates: Georgia Certifies Its Results, An Early Milestone Toward Finalizing Biden's National Victory» The New York Times ISSN 0362-4331..
- ↑ (Gaztelaniaz) «Catherine Russell asume sus funciones como nueva Directora Ejecutiva de UNICEF» www.unicef.org (Noiz kontsultatua: 2023-04-22).
- ↑ (Gaztelaniaz) «Catherine Russell | UNICEF» www.unicef.org (Noiz kontsultatua: 2023-04-22).
Kanpo estekak
aldatu
Datuak: Q5052796
Multimedia: Catherine M. Russell / Q5052796
