Byte

Byte bat (B ikurraz adierazten dena) ordenagailuetan datuak gordetzeko erabili ohi den unitatea da, gordetzen duen datu motarekiko independentea. Normalean 8 bitek osatutako multzoa izaten da, kasu hauetan zortzikote ere deitzen da.

Byte
Neurtzen du	information (en)
Unitate estandarretan	1 B eta 8 bit
Ikurra	B, Б eta B

Byten multiploak
SI			IEC 60027-2
Izena (Ikurra)	SI Estandarra	Erabilpena informatikan	Izena (Ikurra)	Balioa
kilobyte (KB)	103	210	kibibyte (KiB)	210
megabyte (MB)	106	220	mebibyte (MiB)	220
gigabyte (GB)	109	230	gibibyte (GiB)	230
terabyte (TB)	1012	240	tebibyte (TiB)	240
petabyte (PB)	1015	250	pebibyte (PiB)	250
exabyte (EB)	1018	260	exbibyte (EiB)	260
zettabyte (ZB)	1021	270	zebibyte (ZiB)	270
yottabyte (YB)	1024	280	yobibyte (YiB)	280

Byte bat ordenagailu batek lan egin dezakeen informazio neurri txikiena da. Batez ere biltegiratze sistema batek duen gaitasuna adierazteko erabiltzen da. 2 bytek osatutako multzoari hitz deritzo (ingelesez, word), eta 4 bytek osatutakoari hitz bikoitz (ingelesez, double word).

Jatorria

Termino hau ingelesa da, binary term adierazpenetik dator eta informatika eta telekomunikazioetan erabili ohi da. Ordenagailu zahar batzuek 6, 7 edo 9 biteko bytekin lan egiten zuten. Honenbestez, izen hau hautatu zen 8 biteko byte batek (2⁸ = 256 balio posible) informazio kopuru nahikoa gordetzen zuela erabaki zelako.

Adierazpena

Byte bat modu ezberdinetan adieraz daiteke:

• Sistema bitarra: 0000 0000 - 1111 1111, adibidez: 01011010
• Sistema zortzitarra: 000 - 377, adibidez: 132
• Sistema hamartarra:
  • Zenbaki naturalak: 0 - 255, adibidez: 27
  • Zenbaki osoak: -128 - 127
• Sistema hamaseitarra: 00 - FF, adibidez: C3
• ASCII bidez kodetutako karakterea: adibidez, N

Ikus, gainera

• Megabit segundoko
• Megabyte segundoko

Kanpo estekak

• Zientzia.net atariko artikulua: "Informatikariek bazterrak nahastu zituztenekoa: kilobyteak eta kibibyteak"

• Datuak: Q8799
• Multimedia: Bit and byte