Fagnano aintzira

Fagnano aintzira (selknamez Cami, Kami edo Khami ere deitua), Suaren Lurraldeko Uharte Handiaren erdialdean dagoen aintzira bat da, Hego Amerikako hegoaldean. Bere azalera 590 kilometro karratukoa da, % 93 Argentinako uharte sektorean dago eta gainontzekoa Txileko Errepublikan, bere bokalea dagoen tokian.

Fagnano aintzira
Datu orokorrak
Garaiera	140 m
Mota	aintzira
Luzera	230 km
Zabalera	6 km
Azalera	590 km²
Sakonera	206 m
Bolumena	46.806 hm³
Geografia
Koordenatuak	54°32′36″S 67°59′00″W
Estatu burujabe	Txile
Eskualdea	Magallanes y la Antártica Chilena eskualdea
Leku geografikoa	Suaren Lurraldeko Uharte Handia
Hidrografia
Hustubidea	Azopardo River (en)
Arro hidrografikoa	Azopardo Basin (en)

Historia

Selknamek, Suaren Lurraldeko Uharte Handian XIV. mendeaz geroztik bizi zen herri indigena, Patagonia kontinentaletik sartu ondoren, Kakenchow (ur handia) edo Kami (luzanga) deitu zuten.

Kolonizatzaileek 1892an ikusi zuten lehen aldiz, Vicente Montes argentinar armadako tenienteak gertuko mendi batetik ikusi zuenean. Fagnano aintzira bezala berrizendatua izan zen Giuseppe Fagnano apaiz katoliko salesiarraren omenez, Hegoaldeko Patagoniako, Suaren Lurraldeko eta Malvinetako lehen administratzaile apostolikoa izan zena, Punta Arenasen egoitza zuena.

1893an Argentinak eta Txilek 1881eko Ituna argitzeko protokolo mugakide bat sinatu zuten, non muga mendebaldera eramaten den, horrela, aintziraren Argentinako sektorea handituz.

Laku hau, selknamek, "Zerumugaren atsedena" ere deitzen zuten, mendilerroa osatzen duen horizontearen irudizko lerroa, lakuak eteten baitu, ondoren, beste aldetik jarraitzeko.

Flora eta fauna

Jatorrizko landareak mantentzen dira aintziraren ertzean, Berberis microphylla, Gunnera magellanica eta Senecio smithii esate baterako.

Salvelinus fontinalis amuarraina aurkitzen da uretan eta hegazti espezie ugari biri dira inguruan, ahateak, arranoak, belatzak eta txori ugari.

Turismoa

Fagnano aintziraren (edo Kami) ekialdeko kostaldearen ikuspegia Argentinako ertzetatik (Ruta nacional 3; Suaren Lurraldean 40. Ibilbide Nazionalaren (Argentina) jarraipena dena.

Kanpo estekak

• Datuak: Q1315570
• Multimedia: Lake Fagnano / Q1315570