Eusko-iberismo

Eusko-iberismoa euskararen eta iberieraren ahaidetasuna aldarrikatzen duen teoria da. Teoria horren aldekoei eusko-iberista deritze. Gaur egungo euskalariek baztertzen dute.

Esteban Garibai: lehendabiziko eusko-iberista izan zen, Julio Caro Barojaren iritzira.

Ullastreteko beruna. Bigarren lerroan irakur daiteke:
:
(borste : abaŕgeborste).
Euskararekin alderatuta
bost - hamabost

Euskara eta iberiera hizkuntza eremuen hurbiltasunak eta biak hizkuntza indoeuroparrak iritsi baino lehenagokoak izateak bide eman zuten hizkuntza bera zirela edo ahaideak zirela pentsatzera. Luzaro iraun duen teoria da (Esteban Garibai, Arnaud Oihenart, Manuel Larramendi, Wilhelm von Humboldt, Hugo Schuchardt eta abar), baina XX. mendeko hizkuntzalariek guztiz baztertzekoa zela erakutsi zuten. Hala ere, gaur egun, hainbatek oraindik eusten diote teoria horri.

Iberieraren eta euskararen arteko hitz batzuk antzekoak dira.

Iberiera	Euskara
Abar	Adar
Adin	Adin
Bios	Bihotz
Biskar	Bizkar
Biur	Bihur
Cais	Gaitz
Hisca	Neska
Ildun	Ilun
Iliberris	Hiri berri
Nabar	Nabar

Nahiz eta iberieraren sintaxia eta gramatika eta euskararenak antzekoak izan, kontuan izan behar da euskara erabiliz ez dela lortu iberierazko testuak itzultzea, eta itzuli den apurrak euskara eta iberiera erabat hizkuntza desberdinak direla erakutsi du.

Iberiar eta euskal hitzen artean badira antzekotasunak, baina horien arrazoia izan daiteke bi hizkuntzek Sprachbund motako kontaktua eta elkartrukea izateagatik.

Bibliografia

• Joakin Gorrotxategi, Iván Igartua, Joseba A. Lakarra (arg.). (2018). Euskararen historia. Vitoria-Gasteiz: Eusko Jaurlaritzaren Argitalpen Zerbitzu Nagusia. (Aleak, euskaraz, 860 orrialde ditu: koloretako mapak eta grafikoak. Liburuaren gaztelaniazko bertsioa ere badago. (Bibliografia: 801-847 orrialdeetan) ISBN: 978-84-457-3433-9.

Ikus, gainera

• Aitzineuskara
• Eusko-kantabrismo
• Gerhard Bähr
• Hugo Schuchardt
• Pablo Pedro Astarloa
• Tubalismo
• Wilhelm von Humboldt

Kanpo estekak

• Karmele Artetxe Sánchez (2005): «Egungo euskoiberismoa, berrikuspen historiografikotik abiatuz», Kondaira 3, 2005, 1-53, ISSN 1698-9287.
• Karmele Artetxe Sánchez (1999): «Egungo euskoiberismoari buruzko zenbait ohar», Euskonews & Media 54, 1999-11-12.

• Datuak: Q2508353

Artikulu hau zirriborroa da. Wikipedia lagun dezakezu edukia osatuz.