'''Batzarre''' [[Nafarroa Garai]]ko alderdi politiko [[ezkertiar]] eta ''[[baskista'']] da. [[Zutik (alderdia)|Zutik]] alderdiarekin harreman estua zeukan. [[1987]]an sortu zuten [[Euskadiko Mugimendu Komunista]]k eta [[Liga Komunista Iraultzailea]]k hauteskunde-koalizio gisa. Aurretik, LKIk arrakastarik izan ez zuen [[Auzolan (alderdia)|Auzolan]] koalizioa sortu zuten beste alderdi ezkertiar batzuekin. [[1991]]n Batzarre alderdi politiko bilakatu zen.
[[1999]]an [[Euskal Herritarrok]]en parte hartu zuen, nahiz eta handik gutxira koalizioa utzi zuen. [[2004]]tik [[Nafarroa Bai]] (NaBai) koalizioko parte izan zen, [[2010]]ean -—[[2011]]ko hauteskundeetarako estrategiaren eztabaidaren testuinguruan-testuinguruan— koalizioan ez jarraitzea eta [[Nafarroako Ezker Batua]]rekin harremanetan hastea erabaki zuen arte.<ref>[http://paperekoa.berria.info/euskalherria/2010-11-07/010/005/batzarrek_ez_du_nabain_jarraituko_afiliatuen_75ek_hala_erabakita_koordinakundeak_erran_du_nafarroako_ezker_batuarekin_akordioa_lortzeko_urratsak_eginen_dituela.htm Batzarrek ez du NaBain jarraituko, afiliatuen %75ek hala erabakita,] ''Berria'', 2010eko azaroaren 7a</ref> 2011ko urtarrilean, bi alderdiek [[Izquierda-Ezkerra]] koalizioa aurkeztu zuten.<ref>[http://www.berria.info/albisteak/47270/ezkerra_koalizioa_aldaketarako_poloa.htm Ezkerra koalizioa, "aldaketarako poloa"], ''Berria.info'', 2011ko urtarrilaren 29a</ref>
Batzarre alderdi txikia da; gehienbat [[Iruñerria]]n eta [[Tutera]]n du eragina. Alderdiaren aurpegi ezagunenak [[Milagros Rubio]] eta [[Ioseba Eceolaza]] dira. Lehena [[Euskal Herritarrok]]ekin [[Nafarroako Parlamentua|Nafarroako foru parlamentarioa]] izan zen, eta [[Tutera]]ko zinegotzia izan da hainbat urtez. Bigarrena Batzarreren ordezkaria zen [[Nafarroa Bai|NaBain]].
