Torquato Tasso: berrikuspenen arteko aldeak

''Aminta''-rekin artzain-dramaren generoko maisu handiaren ospea lortu zuen Tassok. Amintaren maitasunaren berri ematen du obra horrek: Aminta, Silvia artzain ederrarekin maiteminduta dago, baina Silviak adiskide gisa maite du Aminta. Amintaren maitasun sutsuaren berri jakinik, Silviak ihes egiten du haren ondotik eta amorrua hartzen dio. Tassok gizakia nola irudikatzen duen da obra horren ezaugarririk garrantzizkoena, gizakiaren konplexutasunaren irudia eskaintzen baitu. Maitasunari buruzko bere ikuspegia azaldu zuen, lirismo handiz, dramatismoz baino gehiago, eta gorteko bizitzaren ikuspegi idealizatua eskaini zuen, Tassok [[Ferrara]]n igaro zituen urte zoriontsuen eraginez.

 

 

[[1581]]ean ''Jerusalem'' eta ''Rime e prose'' lanaren pasarte batzuk argitara eman zirelarik, eztabaida larria sortu zen italiar kritikoen artean, Tassoren epikaren kalitatea eta haren aurreko [[Ludovico Ariosto]]ren ''Orlando haserre''-rena alderatzen hasi zirenean. Tassok berak ere parte hartu zuen eztabaida hartan, ''Apologia'' idatziarekin.