'''Q dokumentua''' edo '''Q iturria''' ([[alemaniera]]zko ''Quelle'' -iturria- hitzetik eratorria) [[Mateoren Ebanjelioa|Mateoren]] eta [[Lukasen Ebanjelioa|Lukasen ebanjelioen]] ustezko iturri galdua da.
Izan ere, hiru [[ebanjelio sinoptiko]]riei dagokionez, (Markorena, Mateorena eta Lukasena), hitz-hautaketan eta gertakarien kokapenetan haien arteko harremana antzematen da. Arazoa da harreman horren nondik norakoa zehaztea. Oro har onartzen da Markorena idazten lehena izan zela, eta beste biren iturria izan zela. Baina horretaz gain, [[XIX. mendea|XIX. mendeko]] [[Itun Berri]]ko adituak ohartu ziren Mateo eta Lukasen ebanjelioek [[Markoren Ebanjelioa]]n agertzen ez zen material andana partekatzen zutela. Hori dela eta, beste bigarren iturri komun bat proposatu zen, Q iturria hain zuzen ere. Balizko testu galdu hori, [[Jesus]]en esanen bilduma izango litzateke.
