Artzain nindagoienian

Artzain nindagoienian (euskara batuaz, Artzain nengoenean) Nafarroako Baztan eskualdeko Lekaroz herrian jatorria duen euskal abesti herrikoi zaharra da. Egile ezezagunekoa da. Resurreccion Maria Azkuek Lekarotzeko Martina Goikoetxea andrearengandik abestuta jaso zuen.

2004ko irailean Hiru Truku taldeak Azkarateko estudioan grabatu eta urte bereko azaroan bere Nafarroako kantu zaharrak diskoan kaleratu zuen.

Hitzak

Artzain nindagoienian mendi gorenian, gogoetan jartzen nintzen ni haur nintzenian. Artzaina gogoetan denbora joan eta, antxurik ederrena bordatik gal eta. Joaiten naiz elizara mezaren entzutera, ene maitea ikusi niri so zagola.

So eiten diot hari hark ere bai niri, gero biek irri; nik neure buruari - Marka ona duk hori. Aitak alabari: - Zer debru dun hori? Ez niganat ekarri arima galgarri. Artzainak alferrak ditun, ase eta ongi nahi, hobe dun bertzetarik edozein nahi.

Kanpo estekak

• Hiru Trukuren "Artzain nindagoienian" abestiaren bertsio osoa hemen entzungai. 2:42 minutu.

• Datuak: Q12254246