Aragonito
Kaltzio karbonato kristaldua (CO3Ca), kristaltze-sistema erronbikoa duena. 2,95ko masa atomikoa eta 3,5 eta 4 arteko gogortasuna du. Kolorgea, zuria koloreduna, horia, ardo-kolorekoa, berdea, urdinxka, etab. izan daiteke. Beiraren distira du, gardena. Aragonitoaren kristalak hexagono-itxurakoak dira. Zenbait organismotan ere azaltzen da mineral mota hau, muskuiluen oskoletan eta zenbait algaren zelulen mintzetan adibidez. Aragoin aurkitu zen lehenengo aldiz, eta Valentzian eta Gaztelan ere azaltzen da.
![](http://upload.wikimedia.org/wikipedia/commons/thumb/9/92/Aragonite_-_Pantoja%2C_Toledo%2C_Castile-La_Mancha%2C_Spain.jpg/220px-Aragonite_-_Pantoja%2C_Toledo%2C_Castile-La_Mancha%2C_Spain.jpg)
Erreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.