Alpinia

Alpinia
	Irudi gehiago
Sailkapen zientifikoa
Erreinua	Plantae
Ordena	Zingiberales
Familia	Zingiberaceae
Generoa	Alpinia
Espeziea	Alpinia galanga; Carl Ludwig Willdenow, 1797
Datu orokorrak
Gizakiak ateratzen dizkion produktuak	galangal (en)
Basionimoa	Maranta galanga

Alpinia^[1] (Alpinia galanga) zingiberazeoen familiako landare belarkara da. Haren Errizomak erabili egiten dira sendabelar gisa eta baita elikadurarako ere.

Naturan Txina hegoaldetik Malaysiara hazten da baina mundu osoan egiten dute.

Deskribapena

Errizoma batetatik jaiotzen den landare belarkara da. 1'2 metrotako altuera har dezake.

Hosto asko ditu, lantzeolatuak eta luzeak, 30 cm luzera dutenak. Nerbio longitudinal paraleloak dituzte hosto horiek.

Loreak zurtoinaren puntan multzokatuta agertzen dira. Zuriak dira, hodi itxura azpialdean eta ondoren lau petalo estu zabaltzen dira.

Fruitua gorria da, oboide itxurakoa, eta hiru balba ditu, bakoitzean hazi bana.

Erabilera

Ohar medikoa

Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.

Errizoma da botika gisa erabiltzen den atala. Digestio aparatuko desorekak tratatzeko erabiltzen da; beherakoa, ultzerak, haizeak, botakagurea, zorabioak...^[2]

Mina kentzeko ere erabiltzen da muskuluetan eta hortzetan^[3].

Janarietan edo elikagai osagarrietan ere erabiltzen da, jengibre landarearen antzera zapore mina ematen dio janariari^[4].