Alhama

Alhama
Alhama
Datu orokorrak
Luzera	84 km
Geografia
Koordenatuak	42°11′02″N 1°43′05″W / 42.183889°N 1.718056°W
Estatu burujabe	Espainia
Hidrografia
Ibaiadarrak	ikusi Linares; Añamaza;
Arroaren azalera	1.253,6 km²
Arro hidrografikoa	Ebro ibaiaren arroa
Bokalea	Ebro

Alhama^[1] Soria, Errioxa eta Nafarroa zeharkatzen dituen ibai bat da, Ebro ibaiaren eskuineko ibaiadarretako bat.

Izena aldatu

Alhama izena arabierazko Al Hamma لحامة, hitzetik dator, eta hizkuntza hartan "ur termalak" esan nahi du. Izan ere, Fiteron bainuetxe edo termak daude ibaiaren ondoan, han Alhamari lotzen zaizkion iturburu termalak aprobetxatuz.

Corellan eta Alfaron berriz, beste izen bat du: Río Mayor (euskaraz: "ibai nagusia") hain zuzen ere.

Geografia aldatu

Soriako Almuerzo mendilerroan, Suellacabras herrian, iturria du. Hortik 84 kilometroko ibilbidea egiten du. Soriatik irten eta Errioxan sartzen da. Errioxatik Nafarroara sartzen da, non Fitero, Cintruenigo eta Corella zeharkatzen dituen. Alfaro herrian Ebro ibaira isurtzen ditu bere urak.