Alatornioko armarria
Alatornioko armarria (finlandieraz, Alatornion vaakuna) Finlandia ipar-mendebaldean zegoen Alatornio udalerriaren ikur nagusia zen.
Armarria 1952. urtean sortu zuen Olof Eriksson artistak eta bere helburua, bertan agertzen diren irudiekin, aspaldiko udalerriaren bereizgarriak adieraztea izan zen; hain zuzen, martxoaren 4an, udalerriko udabaltzak ikur ofizialtzat hartu zuen, eta Barne Ministerioak, aldiz, urteko bereko maiatzaren 7an onartu zuen. Zuzen horizontal batek bi zatitan banatzen du armarria: goiko eremua eta behekoa. Goikoan, zilarrezko atzealdearen gainean, gora apuntatzen ari den arku urdina dago; honek Alatornioko natura basatia irudikatzen du. Beheko eremuan, aldiz, zelai urdinaren gainean, ezkerrera begira dagoen izokin zilarkara dago; izan ere, arrainarekin, margolariak arrantzak herrian izan duen garrantzia adierazi nahi izan zuen, Torne ibaiak eta bertako izokin preziatuek ezinbesteko pisua izan baitute udalerriaren historian [1].
Azkenean, armarriak bere ofizialtasuna galdu zuen Alatornio eta Karunki udalerriek Tornio hiriarekin bat egin zuten urtean, 1973an, alegia.
Erreferentziak aldatu
- ↑ Suomen kunnallisvaakunat. Suomen Kunnallisliitto, 126 or. ISBN 951-773-085-3..
Ikus, gainera aldatu
Kanpo estekak aldatu
Datuak: Q11850558
