Adad-nirari I.a
Adad-nirari I.a K.a. 1307-1275 bitartean Asiriako erregea izan zen. Haren erregealdian Asiriar Inperioaren lehenbiziko hedapen handia hasi zen, Assur hiritik Mesopotamiarantz[1].
| Adad-nirari I.a | |||
|---|---|---|---|
 Hiru izan ziren, Adad-nirari izena eraman zuten Asiriako erregeak. Harri zizelkatu honek, horietako bat irudikatzen du.  Irudi gehiago | |||
K.a. 1295 - K.a. 1264 ← Arik-den-ili - Salmanasar I.a → | |||
| Bizitza | |||
| Jaiotza | K.a. XIV. mendea | ||
| Herrialdea | Asiria | ||
| Heriotza | K.a. 1274 ( urte) | ||
| Familia | |||
| Aita | Arik-den-ili | ||
| Seme-alabak | ikusi
| ||
| Jarduerak | |||
| Jarduerak | subiranoa | ||
Asiriako Tarteko Inperioko laugarren erregea izan zen, Arik-den-iliren ondorengoa. Babiloniako errege Nazi-Maruttashen armadari Kar-Ishtarko guduan irabazi zion[2], eta Asiriak Babiloniarekin zuen muga Zab Txikia ibaitik haratago, Diyalaraino, atzeratzea lortu zuen. Mendebaldean, Hititar Inperioaren mende zegoen Mitanniko erresumaren hondarrak menderatu zituen Karkemisheraino; izan ere, garai horretan hititak Egiptorekin zituzten arazoekin larregi arduratuta zeuden, ekialdeko mugari arreta jartzeko. Honen ondoren, Adad-nirari I.ak bere buruari «Errege Handi» titulua eman eta, tentsioa apaldu guran, Urhi-Teshub hititar erregeari gutun bat bidali zion anaia bezala tratatuz, alegia, maila bereko potentzietako erregeek euren arteko harremanetan egiten zuten bezala. Hititaren erantzuna nahiko zakarra izan zen[1],
| « | akaso aita edo ama beraren semeak al gara? | » |
baina, hala eta guztiz ere, ez zen gerrarik izan Asiria eta Hititar Inperioaren artean.
Salmanasar I.a semea izan zuen oinordeko Asiriako tronuan.
Erreferentziak
aldatu- ↑ a b Joshua J. MARK: Adad Nirari I Ancient History Encyclopedia, Ancient.eu
- ↑ Federico LARA PEINADO: Adad-nirari I, Rey de Asiria (1305-1274 a.C.) Mcnbiografias.com
| Aurrekoa Arik-den-ili |
Asiriako erregea K.a. 1307-K.a. 1275 |
Ondorengoa Salmanasar I.a |
Datuak: Q295194
Multimedia: Adad-nirari I / Q295194
