Ponte (Erroma)

Artikulu hau Erromako barrutiari buruzkoa da; beste esanahietarako, ikus «Ponte (argipena)».

Ponte Erroma hiriko alde historikoa (I municipioa) osatzen duten hogeita bi rionietan bosgarrena da.

Ponte R. V Ponte
Erromako Rioniak
Irudi gehiago
Administrazioa
Estatu burujabe	Italia
Eskualdea	Lazio
Italiako hiri metropolitarra	Erromako hiri metropolitarra
Hiria	Erroma
Izen ofiziala	Ponte
Jatorrizko izena	R. V Ponte
Geografia
Koordenatuak	41°54′01″N 12°27′56″E
Azalera	0.3189 km²
Mugakideak	Campo Marzio (en) , Sant'Eustachio, Parione, Regola, Trastevere, Borgo eta Prati
Demografia
Biztanleria	3.548 (2020ko abenduaren 31)
Dentsitatea	11.125,74 bizt/km²
Informazio gehigarria
Sorrera	XIII. mendea
Telefono aurrizkia	06
Ordu eremua	UTC+01:00 eta UTC+02:00
Matrikula	RM

Geografia

Tiber ibaiaren ertzean kokaturik dago, eskuinaldean hain zuzen ere. Ponte izenak zubia esan nahi du, Sant'Angelo zubiak ematen dio auzoari izena.

Historia

Hadriano enperadoreak k.o. 134 urtean Pons Aelius zubia eraiki zuen bere mausoleoa hiriarekin lotzeko, hau da gaur egungo Sant'Angelo zubiaren jatorria. Garai hartan rione honek Circus Flaminius izena zuen eta Marteren zelaiaren parte zen. Neronek bigarren zubi bat altxatu zuen, Neronianus edo Triumphalis izenekoa eta bertatik etortzen ziren general erromatarrak garaipen handia izan eta hirian desfilea egitera.

Erdi Aroan bizitza aktiboa izan zuen auzoak eta erromatarren aztarnak erabat ezabatu ziren. Hiritar asko etorri ziren bertara bizitzera, beste auzoetan uraren eskasia nabaria baitzen. Honetaz gain Vatikanora erromes zetozenek ere hemendik pasa behar zuten eta lokal, jatetxe eta dendaz bete zen.

XVI mendean Via Giulia eta Via dei Coronati Erromako kale famatuenak bihurtu ziren eta hiriko familia aberatsek bertan eraiki zituzten jauregiak. Auzo aberatsa bihurtu zen arren Tiber ibaiaren uholdeek sarritan kaltetzen zuten. 1870an Erroma Italiako hiriburu bihurtu zenean uholdeei aurre egiteko lanak hasi zituzten ibaiertzak erabat itxuraldatuz.

Ondasun nabarmenak

• Sant'Angelo zubia (berez Borgo rioneari dagokio)
• Pons Neronianus
• Hunberto I zubia
• Vittorio Emanuele II zubia
• San Giovanni dei Fiorentini eliza
• Santa Maria della Pace eliza

Iruditegia

• 
  Sant'Angelo zubia.
• 
  Hunberto I zubia.
• 
  Vittorio Emanuele II zubia.
• 
  San Giovanni dei Fiorentini.
• 
  Santa Maria della Pace.
• 
  Vittorio Emanuele II kalea.
• 
  Tiber ibaiertza.

Kanpo estekak

• Datuak: Q1814200
• Multimedia: Rione V - Ponte / Q1814200